Kiraŭnik Śledčaha kamitetu Mahiloŭščyny trymaje na pracoŭnym stale vyjavy Piatra I i Kaciaryny II
Pra partrety słavutych biełarusaŭ ničoha nie skazaŭ.
Učora Alaksandr Łukašenka pryznačyŭ kiraŭnikoŭ Śledčaha kamitetu pa Homielskaj i Mahiloŭskaj abłaściach.
Na Homielščynie novuju siłavuju strukturu ŭznačalić były kiraŭnik upraŭleńnia pa baraćbie z arhanizavanaj złačynnaściu i karupcyjaj MUS Aleh Šarkoŭ. Na Mahiloŭščynie — kiraŭnik abłasnoha ŭpraŭleńnia Departamienta achovy MUS Alaksandr Rakusaŭ.
Try hady tamu sp. Rakusaŭ davaŭ intervju haziecie «Źviazda», dzie siarod inšaša zaznačyŭ, što na jaho pracoŭnym stale stajać vyjavy rasijskich impierataraŭ.
«Heta danina pamiaci. Pahladzicie: u mianie jość partrety ruskich impierataraŭ, jakija za svaim časam zrabili značny ŭkład ŭ razvićcio orhanaŭ unutranych spraŭ. Piatro I — heta zrazumieła. Kaciaryna II pieršaja ŭviała termin «prafiłaktyka złačynstvaŭ». A Mikałaj II mieŭ dačynieńnie da Mahilova i abjaŭleny pravasłaŭnaj carkvoj śviatym. A ja — chryscijanin, imknusia prytrymlivacca ŭsich zapaviedziaŭ».Piatro I nikoli nie byŭ biełaruskim manarcham. Padčas Paŭnočnaj vajny (1700—1721) sałdaty Piatra I uzarvali Safijski sabor, biełaruskuju śviatyniu ŭ Połacku, a taksama zabivali ŭnijackich śviataroŭ.
Što datyčyć Kaciaryny II, to padčas jaje kiravańnia ŭ Rasii adbylisia try padzieły Rečy Paspalitaj, a taksama žorstka zadušanaje paŭstańnie pad kiraŭnictvam Tadevuša Kaściuški.
Pra partrety słavutych biełarusaŭ na svaim pracoŭnym stale Alakasandr Rakusaŭ ničoha nie skazaŭ.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ18
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary