Na hetaje pytańnie adkazvaje hałoŭny redaktar vydańnia Valer Bułhakaŭ.
Naš stały čytač Illa Zaranok z Horak na minułym tydni zakłapočana papytaŭsia, ci možna budzie padpisacca na «ARCHE» ŭ nastupnym hodzie. U kamentach ja pryvatna adkazaŭ jamu, što, naturalna, tak.
Liču svaim abaviazkam adkazać na hetaje pytańnie i publična — h.zn. usim ludziam, dla jakich naš časopis niešta značyć.
Illa Zaranok, jaki hadoŭ ź dziesiać čytaje «ARCHE», tutaka vyražaje kalektyŭny niespakoj. Sapraŭdy, u ciapierašni čas u našaj krainie mahčymaje ŭsio, što chočaš.
Palityčny i kryminalny pieraśled žurnalistaŭ, vydaŭcoŭ i raspaŭsiudnikaŭ staŭ znakam našaha času.Nahadaju adno pra vypadak kališniaha raspaŭsiudnika i paźniejšaha zasnavalnika internet-kniharni knihi.by Alesia Jaŭdachi: u ramkach kryminalnaj spravy suprać jaho prachodzić bolej za 200 čałaviek, a samomu Alesiu «śviecić» da troch hadoŭ pazbaŭleńnia voli.
Tak tutejšy režym sprabuje abmiežavać raspaŭsiudžańnie idej svabody i zrabić svajo isnavańnie viečnym. U imia hetaha stvorana drakonaŭskaje zakanadaŭstva ŭ halinie knihadrukavańnia i srodkaŭ masavaj infarmacyi, jakoha niama bolš nidzie ŭ našaj častcy Eŭropy.U imia hetaha u redakcyjach rehularna iduć pieratrusy, a žurnalistaŭ sadziać u turmu ci departujuć za miažu.
Ale łukašenkaŭski palityčny i idealahičny kantrol maje svaje miežy. Sama idealahičnaja vertykal uładkavana tak, što rašeńni ŭ joj prymajucca na samym viersie. I
pryznać, što časopis z hadavym nakładam 5-7 tys. asobnikaŭ padryvaje infarmacyjnuju biaśpieku Respubliki Biełaruś — značyć jašče pakazać, čaho varty hety režym.Pa-druhoje, hety režym valuntaryscki: paru hadoŭ nam navat udałosia dabicca papravak u paśviedčańnie ab rehistracyi, zhodna ź jakimi naša vydańnie ź «litaraturna-mastackaha» na zakonnych padstavach pieratvaryłasia ŭ masava-palityčnaje, navukavaje i navukova-papularnaje, choć jurysty Ministerstva infarmacyi havaryli ŭ kalidorach, što heta niemahčyma.
I narešcie samaje hałoŭnaje: «ARCHE» vychodzić užo druhi dziasiatak hadoŭ dziakujučy nia ŭładam, ad jakich my nie atrymali ničoha, aprača zvykłaha arsenału srodkaŭ aŭtarytarnaha ŭździejańnia, a dziakujučy vašaj uvazie i achviarnaści.Ciapier u redakcyi pracujuć niekalki redaktaraŭ: pasadziać adnaho, jamu na źmienu pryjduć druhija. Zabaroniać drukavacca ŭ Biełarusi, budziem drukavacca pa-za jaje miežami.
Jość usiaho tolki adziny varunak dla hetaha — tvaja ŭvaha da našaha časopisa.
Padpišysia na «ARCHE» . Padpisny indeks — 00345.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1414
Kamientary