Milinkievič: Dla nas było pryncypova zachavać mirny stan Płoščy

Lidar ruchu «Za svabodu!» Alaksandr Milinkievič, kamientujučy hadavinu padziej 19 śniežnia 2010 hoda na płoščy Niezaležnaści ŭ Minsku, adznačyŭ, što dla demakratyčnych sił było pryncypova zachavać mirny stan Płoščy. Ab hetym palityk zajaviŭ 19 śniežnia na pasiadžeńni kruhłaha stała, pryśviečanaha hadavinie prezidenckich vybaraŭ u Biełarusi.

«Scenar byŭ čymści padobny na kijeŭski — my spadziavalisia, kali atrymajecca zrabić mirnuju Płošču, to na nastupny dzień pryjdzie bolš ludziej. Tamu što ludzi pačujuć, što nie bjuć, nie sadžajuć Dla nas było pryncypova zachavać mirny stan Płoščy», — adznačyŭ Milinkievič.

Lidar ruchu «Za svabodu!» aceńvaje vyniki Płoščy-2010 jak trahičnyja.

apazicyja prajhrała — tolki Maskva na 90 pracentaŭ vyjhrała», — pierakanany Milinkievič.

Jaho słovy paćviardžaje i eks-kandydat u prezidenty Hryhoryj Kastusioŭ. «Samaja hałoŭnaja meta była zaprasić ludziej na mirnuju akcyju pratestu, jakaja śviedčyła b ab tym, što ŭ Biełarusi nie adbyłosia sapraŭdnych vybaraŭ, adbylisia parušeńni, falsifikacyi i što vyniki vybaraŭ my nie pryznajom», — skazaŭ Kastusioŭ.

Pavodle słoŭ kiraŭnika AHP Anatola Labiedźka, na pres-kanfierencyi, jakaja była praviedziena im i eks-kandydatam u prezidenty Jarasłavam Ramančukom, jany admovilisia ad adkaznaści «za toje, što nie ŭmiejuć rabić». «Ramančuk kazaŭ, što jon i jaho kamanda moža ŭziać adkaznaść za reformy. Heta byŭ pravilny pasył, tamu što za Płošču my nie bralisia.

My tudy zaklikali, heta byŭ bolš maralny składnik, čym palityčny»,

U svaju čarhu lider partyi «Spraviadlivy śviet» Siarhiej Kalakin ličyć kampaniju demakratyčnych sił 2010 hoda «nijakaj». «Apazicyja paniesła vielmi mocnyja straty. I ŭ čałaviečym płanie, i ŭ tym sensie, što ŭładzie ŭdałosia nahnać takuju tempieraturu strachu, što my siońnia nijak nie možam astudzić hramadstva», — zajaviŭ Kalakin.

Na dumku pradstaŭnika kampanii «Havary praŭdu!» Michaiła Paškieviča, hałoŭnaja pamyłka Płoščy-2010 była ŭ adsutnaści kankretnaj stratehii. «Stratehija zaklučałasia ŭ adnym — sustreniemsia na płoščy. My nie mahli dać adkaz ludziam, a što dalej. Drenna my spracavali, kali naš płan lasnuŭsia za 2–3 chady. Treba viedać ab hetym i nastupnym razam nie klikać ludziej prosta na płošču. Sucelny razhrom apazicyi — vielmi dobry ŭrok, jaki nichto nie choča pryznać», — skazaŭ Paškievič.

Sustaršynia partyi «Biełaruskaja chryścijanskaja demakratyja» Vital Rymašeŭski ličyć, što 10 śniežnia 2010 hoda treba było raniej «brać inicyjatyvu na siabie». «Vielmi vialikuju pamyłku my zrabili, što ŭ hetych umovach my nie vyłučyli svoj scenaryj Płoščy. Heta vialikaja pamyłka maja piersanalna i ŭsiaho našaha štaba», — skazaŭ Rymašeŭski.

• 0
• 0
• 0
• 0
• 0
• 0
• 0
• 0