Staršynia Kamiteta dziaržaŭnaj biaśpieki Vadzim Zajcaŭ ličyć pravilnym zachavańnie adzinaha KDB i jaho nazvy, zajaviŭ jon u intervju BIEŁTA.
«U svoj čas na dziaržaŭnym uzroŭni razhladałasia pytańnie pra toje, jak ža nazvać śpiecsłužbu maładoj suvierennaj dziaržavy? Zachavaŭšy zvykłuju abrevijaturu, biełaruski KDB zastaŭsia „Kamitetam dziaržaŭnaj biaśpieki“. Biełaruś nie pajšła pa šlachu padziełu samadastatkovaha orhana dziaržbiaśpieki i stvareńnia na jaho asnovie samastojnych
Dalnabačnaść padobnaha kroku, na jaho dumku, paćviardžajuć i sučasnyja tendencyi pa refarmavańni śpiecsłužbaŭ jak na Zachadzie, tak i na Uschodzie. Da prykładu, u Rasijskaj Fiederacyi šerah samastojnych słužbaŭ i padraździaleńniaŭ paśla drabnieńnia znoŭ uklučany ŭ skład FSB.
Anałahičnyja viedamstvy niekatorych krain SND paśpiašalisia admovicca ad svaich histaryčnych karanioŭ i źmianili nazvy, praciahnuŭ Vadzim Zajcaŭ. «Biełaruski KDB adzin ź niamnohich, chto zachavaŭ svaju nazvu nasupierak žadańniam niekatorych «sučasnych» tłumačalnikaŭ historyi. Hałoŭnaj pryčynaj taho stała pavahu pamiaci tych, chto ŭ hady Vialikaj Ajčynnaj vajny skłaŭ svaje hałovy na ałtar Pieramohi, addaŭšy žyćcio za mahutnuju krainu, jakija vyzvalili Jeŭropu ad «karyčnievaj čumy», — ličyć staršynia KDB.
Vadzim Zajcaŭ taksama adznačyŭ: «Možna doŭha spračacca ab nieadnaznačnaści „bahažu“ savieckich časoŭ, ale naš śviaty abaviazak jak naščadkaŭ ajčynnych śpiecsłužbaŭ — pavažać historyju. Siońnia my starajemsia zachoŭvać i prymnažać jaje lepšyja tradycyi»
Ciapier čytajuć
Pieršaja viasna na voli. Nina i Uładzimir Łabkovičy raskazali pra svaju historyju kachańnia i žyćcio paśla turmy5
Kamientary