NKVD zabiła ŭ Biełarusi 3782 hramadzianina Polščy 14

NKVD nie zabiła ŭ Biełarusi nivodnaha palaka, zajaviŭ Łukašenka na piatničnaj pres-kanfierencyi, adkazvajučy na pytańnie polskaha žurnalista nakont «katynskaha śpisu, jaki nahadaŭ Łukašenku jahonyja ž letašnija słovy pra toje, što ŭ minskich archivach moža być śpis asobaŭ, jakich zabili ŭ Biełarusi ŭ ramkach hetak zvanaj katyńskaj spravy.

Łukašenka zajaviŭ u piatnicu, što ŭ Biełarusi nie rasstralali nivodnaha palaka, maŭlaŭ, tut byli tolki pierasylnyja punkty. Dalej palakaŭ vyvozili ŭ Rasiju ci va Ukrainu, skazaŭ Łukašenka, cytujučy list tahačasnaha kiraŭnika biełaruskaha NKVD Canavy da Bieryi ŭ Maskvu.

«Heta nie tolki chłuśnia, ale i biaźmiežnaja kryvadušnaść», —

 skazaŭ polskamu vydańniu pra łukašenkaŭskija słovy prafiesar Vojciech Materski. Łukašenka vykarystoŭvaje polskuju trahiedyju ŭ hulni z Maskvoj. Kali jon svaryŭsia z Kramlom, to namiakaŭ, što addaść palakam śpis. Ciapier ža, kali jon pahadziŭsia z Maskvoj, znoŭ zabyŭ pra hety śpis.

Heta źjaŭlajecca apošniaj katynskaj tajamnicaj.

NKVD zabiła ŭ Biełarusi 3782 palakaŭ, jakija znachodzilisia ŭ toj čas u turmach na terytoryi BSSR. Pa siońniašni dzień nieviadomyja dadzienyja tych ludziej, a taksama miesca ich rasstrełu i pachavańnia.

Pavodle słovaŭ inšaha historyka Źbihnieva Siamaški,

zajavy Łukašenki — poŭnaja łuchta.

Z savieckich dakumientaŭ viadoma, što palakaŭ rasstralali ŭ Biełarusi, bo minskaje NKVD atrymała z Maskvy rasstrelnyja zahady. Taksama jak va Ukrainie ŭ 1940-m hodzie polskich viaźniaŭ pryvieźli ŭ minskuju turmu. Dalejšy ich los nieviadomy. Ličycca, što ich rasstralali dy pachavali ŭ Kurapatach albo inšym sakretnym miescy NKVD. Voś užo 20 hod rasijskaje kiraŭnictva nie choča pieradać palakam adpaviednyja dakumienty pa hetaj spravie. Historyki ličać, što ŭ Biełarusi moža zachoŭvacca kopija. Pra heta śviedčać ukrainskija materyjały: u Kijevie zachavałasia kopija ŭkrainskaha śpisu, jakuju aficyjny Kijeŭ pieradaŭ palakam. Bolš za toje, saviecki NKVD vioŭ vielmi dakładnuju dakumientacyju svaich złačynstvaŭ, tamu słovy Łukašenki nie vartyja davieru, piša polskaje vydańnie.

Pavodle Radyjo.net

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH