«Vy mianie paprakajecie ŭ tym, što ja, jak nasiŭ sini kaścium, tak i našu va ŭmovach kryzisu? Dyk mnie kažuć, vy budziecie vyhladać niepryhoža na fonie inšych prezidentaŭ, tady ja skazaŭ, dobra, vy zrobicie taki kaścium, kab prezident vyhladaŭ dobra», — skazaŭ Łukašenka na
Pa słovach kiraŭnika krainy, napres-kanfierencyju jon pryjšoŭ u kaściumie biełaruskaj vytvorčaści, a ŭ byłoje saŭminaŭskaje atelje na vulicy Miaśnikova, dzie jon zamaŭlaŭ kaścium, moža zajści kožny achvotny.
Karespandent Jeŭraradyjo adrazu paśla hetych słoŭ tudy i nakiravaŭsia. Zajści ŭ atelje sapraŭdy moža kožny. Mianie sustrakajuć dźvie žančyny. Pytajusia pra rascenki.
«Kaścium dvojka [pašyŭ] kaštuje ad 760 tysiač. Pinžak ad 560. Praŭda, prychodźcie paśla 4 studzienia, bo u nas pakul skład začynieny», — vietliva adkazvajuć jany.
Ale ja kažu, što chaču kaścium akurat, jak u kiraŭnika krainy. I cikaŭlusia pra canu.
«Pinžak kaštuje 2 miljony 100 tysiač i vyšej. Ź italjanskaj tkaniny.Dakładna nie mahu skazać, ź jakoj tkaniny. U nas jość tkanina, možacie vybrać».
A ceły kaścium razam z tkaninaj zaciahnie na 5 miljonaŭ rubloŭ.
U buciku «Corneliani» usie kaściumy kaštujuć u 3–6 razoŭ daražej za tyja, što z atelje. «16 — 18 miljonaŭ, usio zaležyć ad składu. Samy darahi — 28 miljonaŭ», — kaža pradaŭščyca.
U maječcy hetaha łejbła kiraŭnika krainy bačyli padčas kamandzirovak pa palach krainy, kali toj sačyŭ za žnivom.
Varta adznačyć, što
kaścium za 500–600 dalaraŭ — heta sapraŭdy davoli ekanomna dla kiraŭnika dziaržavy.Možna być peŭnym, što kaściumy Miadźviedzieva ci Nazarbajeva kaštujuć daražej. Tut Łukašenka sapraŭdy aryjentujecca na skandynaŭskija ci centralnajeŭrapiejskija standarty staŭleńnia dziaržaŭnych asob da svaich raschodaŭ. Mahčyma,
fakt publikacyi koštu jahonaha hadzińnika (kala 15 tysiač dalaraŭ) staŭ dla jaho navukaj.
