Paradak dnia: 1. Bojka za pusty miech…
Palityki, jak i błohiery :), musiać reahavać imhnienna. Chaj sabie i nia nadta vylizanymi frazami, ale — pakul heta chvaluje publiku. Kamu patrebien letašni śnieh? Piša ŭ svaim błohu Alaksandar Kłaskoŭski.
Adnym učynkam Milinkievič pakinuŭ entuzijastaŭ čarhovaha kanhresu la raźbitych nočvaŭ. Zaraz im nakanavana bicca za pusty miech.
Ale ci vialikija šancy raskrucić ruch "Za svabodu"?
Sieciŭny rezanans, vyklikany Milinkievičavym rašeńniem nie hulać u tuju hulniu ("respekt!", "małojca!", "narešcie ŭ našym bałocie źjaviŭsia mocny palityk!"), — vyrazna śviedčyć: palityzavanaj publicy darešty abrydła myšynaja vałtuźnia ŭ kaalicyi.
Entuzijasty kanhresu abiacajuć vypracavać na im niejkija kanceptualnyja adkazy na vykliki času.
Ale heta tre' było rabić učora. Palitrada, pomnicca, tak i nia zdoleła navat uzhadnić tekst zajavy ŭ razhar naftahazavaj vajny... Miž tym palityki, jak i błohiery :), musiać reahavać imhnienna. Kamentavać kalizii, vykazvać pazycyju pa haračych śladach. Tut i ciapier. Chaj sabie i nia nadta vylizanymi frazami, ale — pakul heta chvaluje publiku. Kamu patrebien letašni śnieh?
Milinkieviču zakidali, što jon samačynna vystupaŭ za miažoj ad imia ŭsioj kaalicyi. Maŭlaŭ, treba deklaravać uzhodnienuju pazycyju. Ale pakažecie, dzie jana?
Ci voś damahajucca partyjnyja lidery, kab Łukašenka paklikaŭ ich za kruhły stoł jak paŭnapraŭny treci bok. Ale ž u palitycy ličacca tolki z mocnymi. Kaho tut klikać? Kvołaha šmathałovaha mutanta?
Adkryty list Milinkieviča Łukašenku vyklikaŭ supiarečlivyja acenki. Kab trochi abstrahavacca, ujaviecie sabie, što taki list napisaŭ niechta tak z apazycyjnaha lahieru. Adrazu ŭźnik by humarystyčny kalaryt: chto taki Kaźlevič? :)
Ale, zaŭvažcie, nichto nie spytaŭ: a chto taki Milinkievič?
To bok — skažam movaj palittechnolahaŭ — raskručany brend zachoŭvaje svaju moc. Kaniešnie, rejtynh byłoha kandydata taksama spoŭz (pavodle padlikaŭ sacyjolahaŭ, prykładna ŭdvaja) za toj amal što hod, pakul kaalicyja taŭkła vadu ŭ stupie. Ale ŭsio adno Milinkievič na dźvie hałavy vyšejšy :) za ludziej z partyjnych strukturaŭ.
Adnak tyja vyrašyli kinuć napracavany imidžavy kapitał u siačkarniu ratacyi. Nu i što dalej?
Zrešty, toje samaje niaprostaje pytańnie staić i pierad Milinkievičam. Bo pakul nia bačna mocnych čyńnikaŭ, jakija b abiacali jahonamu ruchu bolej ščaślivy los, čym jak u bieźličy raniejšych "šyrokich ruchaŭ", stvoranych pad tuju ci inšuju personu.
Stała banalnaściu kazać, što ŭłada akazałasia nie hatovaj da novych vyklikaŭ. Zatorhałasia, zadryhała nahami, zalamantavała, jak adniali ad rasiejskaj cycki.
Ale chiba palityčnaja apazycyja akazałasia bolej hatovaj da nasoŭvańnia toj kryzy, jakuju tak natchniona pradrakała?
Varta kazać pra toje, što novaja sytuacyja stałasia vyklikam dla ŭsich biełaruskich elitaŭ. I ŭsie jany demanstrujuć siońnia symptomy spadčynnych saŭkovych chvarobaŭ. Apazycyjnaja vertykal šmat u čym jość lusterkam uładnaj.
Nu a ci pašencić Milinkieviču vyciahnuć svoj ruch z bałota metadam Miunchhaŭzena — pytańnie adkrytaje.
Ciapier čytajuć
Usie hadajuć, čamu Miesiac źmianiŭ svajo stanovišča na niebie. Spytali ŭ astranoma, što adbyvajecca3
Usie hadajuć, čamu Miesiac źmianiŭ svajo stanovišča na niebie. Spytali ŭ astranoma, što adbyvajecca
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)1212
Kamientary