U sakaviku 2012 hoda pačniecca publičnaje testavańnie novaha biełaruskaha pošukavika Index.by — «Naša Niva» daviedałasia, čym jon budzie adroźnivacca ad Google i Jandeksa.
Jak paviedamlajuć stvaralniki novaj sistemy, u pošukaviku nie buduć vykarystoŭvacca technałohii Google i Yandex, a heta značyć, što jana budzie pracavać vyklučna z sajtami, jakija majuć dačynieńnie da Biełarusi. Usie sajty ŭ katałohu buduć prachodzić ručnuju
Što heta daść?
Kali šukać infarmacyju, znachodziačysia ŭ Rasii, to na pieršyja miescy ŭ zaprosach traplajuć ruskija sajty. Novy pošukavik budzie pracavać z sajtami, jakija trapili ŭ katałoh, a jany sabranyja pa ŭsim Siecivie, pry hetym šansy vyjści na niepatrebnyja staronki rezka źnižajucca.
Jašče adzin plus pošukavika — dakładnaja vydača zapytaŭ nie tolki pa abłaściach, ale i pa rajonach.
Sajt aformleny na rasijskaj i biełaruskaj movach, pošuk budzie pracavać i z narkamaŭkaj, i z taraškievicaj, i navat z łacinkaj.
Aproč taho, źjavicca i dadatkovaja prapanova — raspracavany rejtynh sajtaŭ, statystyka, jakaja dazvolić sačyć za naviedvalnaściu ŭ režymie realnaha času. Jana taksama budzie zroblena z uchiłam na rehijanalnaść: možna budzie ŭbačyć, chto i ź jakoha horada zachodziŭ na sajt. Hetaja pasłuha dla biełaruskich resursaŭ budzie biaspłatnaj.
