Alaksandr Rybak znoŭ pryjechaŭ u Biełaruś

Finalistaŭ televizijnaha muzyčnaha prajekta «Jeŭrafest» — nacyjanalnaha adboračnaha tura mižnarodnaha konkursu pieśni «Jeŭrabačańnie-2012» — abjadnoŭvaje dušeŭnaje vykanańnie i drennaja anhlijskaja mova.

Takuju dumku vykazaŭ pieramožca «Jeŭrabačańnia-2009», narviežski śpiavak i skrypač biełaruskaha pachodžańnia Alaksandr Rybak 5 studzienia na pres-kanfierencyi ŭ Minsku.

Jak paviedamlałasia raniej, 22 śniežnia ŭ finał «Jeŭrafesta» vyjšli śpiavački Hiunieš i Viktoryja Aleška, zasłužanaja artystka Biełarusi Alona Łanskaja, hurt Litesound i Juzary.

Rybak adznačyŭ, što pahladzieŭ paŭfinał «Jeŭrafesta» na YouTube i škaduje, što ŭ finał nie prajšła pieśnia hurtu «Tryler» Message to the World. Jon paraiŭ usim vykanaŭcam, jakija prajšli ŭ finał, h

ladzieć amierykanskija telesieryjały ŭ aryhinale, kab palepšyć anhlijskaje vymaŭleńnie, a taksama acharaktaryzavaŭ kožnaha ź ich.

Na dumku Rybaka, u hurtu Litesound «samaja zachodniaja» miełodyja, jakaja zapaminajecca i moža lohka pakaryć publiku Danii, Šviecyi i inšych jeŭrapiejskich krain. Rybaku taksama spadabałasia pastanoŭka numara kalektyvu i lepšaja anhlijskaja mova ŭ paraŭnańni ź inšymi vykanaŭcami.

Narviežski muzykant adznačyŭ prafiesijanalizm Viktoryi Aleška i zajaviŭ, što ŭ jaje «samy lepšy hołas».

Śpiavačka Hiunieš Rybaku zapomniłasia «samaj pryhožaj u śviecie ŭśmieškaj». Adnak jon paraiŭ vykanaŭcy ŭ vypadku pieramohi ŭ nacyjanalnym adbory pakazać siabie i ź inšaha boku: «Inšy raz treba ŭniknuć u pieśniu».

Pra Alonu Łanskuju Rybak skazaŭ: «Adčuvajecca, što jana artystka, u jaje asablivy hołas, i jana razumieje kožnaje słova, jakoje śpiavaje. U jaje dobraja pieśnia».

Juzary padaŭsia narviežskamu muzykantu «vielmi samaŭpeŭnienym» vykanaŭcam, u jakoha šmat enierhii. Heta moža spadabacca hledačam, miarkuje Rybak.

Pavodle jaho słoŭ, niemahčyma pradkazać pieramohu na «Jeŭrabačańni» taho ci inšaha vykanaŭcy ci nazvać składniki pośpiechu. «Važnaja padrychtoŭka, kab na scenie artyst nie pytaŭsia, čamu jon tut, a viedaŭ, jakaja historyja staić za pieśniaj, — zaznačyŭ Rybak. — 

Samaje hałoŭnaje — adčuvać, što heta nie konkurs, a śviata».

Jak zaznačyŭ Rybak, patencyjalnaja prablema — «vialikaja kamanda, kožny sa svaimi ambicyjami, i navat za niekalki dzion da konkursu ludzi nie mohuć pierastać svarycca».

Finał prajekta projdzie 31 studzienia ŭ pramym efiry telekanała «Biełaruś-1». Pieramožca, jaki pradstavić Biełaruś na «Jeŭrabačańni-2012», budzie vyznačany zhodna z praviłami konkursu «Jeŭrabačańnie»: pa vynikach hałasavańnia hledačoŭ i acenak žury.

Mižnarodny konkurs pieśni «Jeŭrabačańnie-2012» projdzie ŭ mai ŭ Azierbajdžanie.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH