Departamient finansavych rasśledavańniaŭ pačaŭ pravierku dziejnaści śviatara Viačasłava Barka z parafii ŭ Rasonach.
Padstavaj pasłužyŭ «ananimny danos».
«Pavinšujcie mianie! Majoj śviatarskaj dziejnaściu ŭ Rasonach zacikavilisia. Ananim napisaŭ skarhu (u finasavuju milicyju, prakuraturu i Administracyju prezidenta), abvinavačvajučy mianie ŭ tym, što ja jezdžu pa kaściołach i va ŭsich (katolikaŭ i pravasłaŭnych) źbiraju hrošy, i niama kamu abaranić ad mianie hramadzian Biełarusi; a ad pilihrymak, padličyŭ toj samy ananim, ja pakłaŭ sabie ŭ kišeń ad 350 tysiač jeŭra, badaj, až da miljona. Finansavaja milicyja viadzie raźbiralnictva!» — piša na svajoj staroncy ŭ Facebook Viačasłaŭ Barok.
Tam ža śviatar adznačaje, što dziejnaść pa arhanizacyi pilihrymak była ŭchvalenaja kiraŭnictvam biełaruskaha Kaścioła i maje adpaviednyja dekrety. Sa słovaŭ ajca Viačasłava, pravaachoŭnyja orhany nie cikavić aŭtar ananimki, i jany nie sprabujuć vyśvietlić jaho asobu.
Padrabiazna paznajomicca ź pilihrymkami, jakija arhanizuje ksiondz Viačasłaŭ Barok, možna na sajcie piligrymka.by.
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie49
Kamientary