Ziamielnych učastkaŭ u Baraŭlanach bolš niama i ŭ najbližejšy čas nie budzie
Baraŭlanski sielski vykanaŭčy kamitet paviedamlaje, što na terytoryi sielskaha savieta pradstaŭleńnie ziamielnych učastkaŭ na dadzieny momant niemahčymaje i ŭ bačnaj budučyni nie płanujecca.
Listy z takim źmiestam atrymali šmatlikija hramadzianie, jakija stajać u čarzie na ŭčasak u Baraŭlanskim sielskim saviecie.
Hałoŭnaja pryčyna: na terytoryi sielsavieta paprostu niama svabodnych učastkaŭ, jakija možna było b vyłučyć pad budaŭnictva indyvidualnaha žylla.
U sielsaviecie nie ryzyknuli acanić imaviernaść vydzialeńnia učastkaŭ dla tych, chto maje patrebu ŭ palapšeńni žyllovych umovaŭ u budučyni, ale krynic, ź jakich možna było b papoŭnić ziamielny fond dla hetych metaŭ, pakul nie prahladajecca.
Asnoŭnaja pryčyna hetaj źjavy palahaje ŭ zakanadaŭčych novaŭviadzieńniach: sprava ŭ tym, što raniej učastki možna było ŭziać ź sielskahaspadarčych uhodździaŭ. Zaraz ža zrabić heta možna budzie tolki z dazvołu prezidenta. A apošni adnaznačna źbirajecca spynić praktyku vydzialeńnia ziamielnych učastkaŭ ź ziemlaŭ sielskahaspadarčaha pryznačeńnia.
Kamientary