Źniavoleny Mikałaj Aŭtuchovič źmieščany ŭ sančaść kałonii, paviedamiŭ jaho były advakat Pavieł Sapiełka.
«Aŭtuchovič znachodzicca ŭ sančaści. Mnie pra heta paviedamili ŭčora. Ź jakoha dnia i pa jakoj pryčynie jon tam, nieviadoma», — skazaŭ Sapiełka.
Pavodle jaho słoŭ, na 17 studzienia ŭ kałonii pryznačany sud nad Aŭtuchovičam u suviazi z parušeńniem režymu kałonii. «Heta budzie taki ž praces, jak toj, što prajšoŭ nad Mikałajem Statkievičam.I projdzie jon pa toj ža schiemie — u kałonii, bieź lišnich śviedak, tolki ŭ prysutnaści advakata», — skazaŭ Sapiełka. Jon adznačyŭ, što Aŭtuchoviču pahražaje pieravod z kałonii ŭ turmu na vyznačany sudom termin.
Nahadajem, u mai 2010 hoda vaŭkavyski pradprymalnik Mikałaj Aŭtuchovič rašeńniem Viarchoŭnaha suda byŭ pryhavorany da piaci hadoŭ i dvuch miesiacaŭ pazbaŭleńnia voli z adbyvańniem pakarańnia ŭ kałonii strohaha režymu za pieravozku i zachoŭvańnie piaci patronaŭ da palaŭničaj strelby.
Pravaabaroncy ličać Aŭtuchoviča palitźniavolenym i ŭkazvajuć na surjoznyja pracesualnyja parušeńni, zafiksavanyja ŭ chodzie suda.
Aŭtuchovič adbyvaje pakarańnie ŭ Ivacevickaj kałonii № 5. Jak adznačajuć pravaabaroncy, uvieś čas utrymańnia ŭ śpiecustanovie administracyja akazvaje na jaho cisk. Bolš za dziesiać razoŭ Mikałaj Aŭtuchovič pryciahvaŭsia da dyscyplinarnaj adkaznaści.
Kamientary