Jak paviedamiła žonka Bialackaha Natalla Pinčuk, 757 młn 526 tys. 717 rubloŭ jana pieraličyła 18 studzienia sa svajho rachunku na rachunak suda Pieršamajskaha rajona Minska.
«Heta ŭsia suma, jakuju pa pastanovie suda pavinien zapłacić Bialacki», — skazała jana.
Žonka asudžanaha pravaabaroncy ŭstrymałasia ad prahnozaŭ z nahody taho, jak pahašeńnie škody moža paŭpłyvać na vynik razhladu kasacyjnaj skarhi Bialackaha.
Nahadajem,
razhlad skarhi ŭ Minskim haradskim sudzie pryznačany na 24 studzienia.
Padstavaj dla kryminalnaha pieraśledu Bialackaha stała infarmacyja ab jaho zamiežnych bankaŭskich rachunkach, pieradadzienaja ŭ Minsk čynoŭnikami Litvy i Polščy ŭ ramkach dvuchbakovych pahadnieńniaŭ ab pravavoj dapamozie. Jak patłumačyŭ u sudzie Bialacki,
hrošy, jakija pastupali na jaho rachunak, vykarystoŭvalisia ŭ jakaści dapamohi dla hramadzian Biełarusi, čyje pravy byli parušanyja. Bankaŭskija rachunki byli adčynienyja za miažoj, bo biełaruskija ŭłady nieadnarazova admaŭlali pravaabaroncam u rehistracyi ich arhanizacyi.
Pavodle prysudu, Bialacki pavinien vypłacić dziaržavie 757 młn. 526 tys. 717 rubloŭ (kala 90 tys. dalaraŭ) nibyta dla kampiensacyi škody, naniesienaj niavypłataj padatkaŭ.
Zbor srodkaŭ dla pahašeńnia hetaj škody pravaabaroncy abviaścili 15 śniežnia.Rodnyja i kalehi Bialackaha spadziajucca, što heta paŭpłyvaje na rašeńnie Minskaha harsuda — stanie padstavaj dla vyzvaleńnia asudžanaha abo jak minimum źmieny jamu miery strymańnia abo źmiakčeńnia prysudu.
Aleś Bialacki ciapier utrymlivajecca ŭ śledčym izalatary Žodzina. Mižnarodnaja demakratyčnaja hramadskaść, kiraŭnictva Jeŭrasajuza, ZŠA i šerahu inšych krain ličać vyniesieny pravaabaroncu prysud palityčna matyvavanym i patrabujuć ad uładaŭ Biełarusi nieadkładnaha vyzvaleńnia Bialackaha.