Źjezd respublikanskaha hramadskaha abjadnańnia «Biełaja Ruś», na jakim arhanizacyja moža być pieraŭtvorana ŭ palityčnuju partyju, projdzie ŭ kastryčniku 2012 hoda, paśle parłamienckich vybaraŭ.Pra heta paviedamiŭ namieśnik staršyni abjadnańnia, deputat Pałaty pradstaŭnikoŭ Alaksandr Šaćko.
«Niachaj projdzie bujnaja vybarčaja kampanija, i paśla hetaha na źjeździe budziem vyrašać, ci stali my bujnoj palityčnaj siłaj. Na vybarach našy kandydaty buduć pazicyjanavać siabie jak členy hramadskaha abjadnańnia. Kali vystaim, tady i karty ŭ ruki», — zaznačyŭ jon.
Šaćko paviedamiŭ, što było vielmi šmat debataŭ adnosna pieraŭtvareńnia abjadnańnia ŭ partyju. «Hučali mierkavańni roznyja z roznych bakoŭ, arhanizacyj.
Kali „Biełaja Ruś“ stanie partyjaj, to vialikaje koła ludziej vypadajuć z arhanizacyi.Dziaržčynoŭniki, naprykład, nie mohuć być pa zakonie častkaj palityčnaha abjadnańnia. Mahčyma, treba zachoŭvać niejkuju hramadskuju arhanizacyju. U vyniku mierkavańni raździalilisia — 50 na 50. My vyrašyli, što jość dzie jašče papracavać», — zaznačyŭ jon.
Pry hetym Šaćko zajaviŭ, što pytańnie pieraŭtvarać ci nie pieraŭtvarać abjadnańnie nie staić. «Treba pieraŭtvarać. Inšaja reč — chutkaść pieraŭtvareńnia. Jak my ŭbačyli, jašče šmat čaho nie daroblena ŭnutry arhanizacyi dla pieraŭtvareńnia, kali ŭ ludziej uźnikli sumnieńni», — skazaŭ jon.
0
0
0
0
0
0