Dvuchpakajoŭka ŭ dziaržaŭnym arendnym domie budzie kaštavać da $440 na miesiac
Źviarnucca da pryvatnikaŭ atrymajecca tańniej.
Užo sioleta ŭ Miensku źjaviacca pieršyja arendnyja damy. Va ŭsim horadzie pabudujuć panelnyja damy, u jakija pačnuć raśsialać ludziej z čarhi na palapšeńnie žyllovych umovaŭ. Kvatery ŭ ich buduć zdavać na doŭhi termin.
«Budoŭla arendnych damoŭ raspačałasia ŭ Pieršamajskim rajonie jašče ŭ kancy minułaha hoda, — raspaviadaje kiraŭnik upraŭleńnia žyllovaj palityki Mienskaha harvykankamu Alaksandr Aŭramienka. —
Jany buduć mieścicca ŭ mikrarajonie Akademharadok, kala Parku vysokich technałohijaŭ. Chutčej za ŭsio, pracaŭniki Parku tam i buduć žyć».
Tym časam Saviet Ministraŭ pryniaŭ pastanovu, u jakoj vyznačajecca, kolki budzie kaštavać žytło ŭ takich arendnych damach. Za kožny kvadratny mietr płoščy daviadziecca płacić 0,2 bazavaj vieličyni. Ale vykankamy buduć užyvać kaeficyjenty pavyšeńnia — ad 1 da 3. Takim čynam, ad krasavika dvuchpakajovaja kvatera (60 kv. m) u najlepšaj zonie płaniroŭki Miensku budzie kaštavać kala $ 440 na miesiac.
A voś adnapakajoŭku (35 kv. m.) u mienš prestyžnym rajonie stalicy možna budzie pasprabavać znajści ŭsiaho za $ 85.
Nakolki heta adpaviadaje koštam na rynku nieruchomaści?
«Pavodle apisanych paramietraŭ možna biez prablemaŭ znajści dvuchpakajovyja kvatery ŭ centry za $ 250–300, a adnapakajoŭki ŭ Šabanach — za $ 160–180, — kažuć u ahienctvie nieruchomaści „Tvaja stalica“. — Najčaściej kvatery zdajuć choć ź niejkaju meblaju».
A voś dziaržaŭnyja arendnyja kvatery buduć pustyja.Zatoje vysielić najmalnikaŭ ź ich budzie ciažka — pry svoječasovaj apłacie kamunalnych pasłuhaŭ i vykanańni astatnich patrabavańniaŭ damova musić praciahvacca aŭtamatyčna — choć da biaskoncaści.
Ciapier čytajuć
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary