Rehijanalny kiraŭnik najbujniejšaj strachavoj kampanii Biełarusi pahareła na strachavym machlarstvie.
Prakuraturaj Kaściukovickaha rajona pa materyjałach adździeła baraćby z ekanamičnymi złačynstvami UUS Homielskaha abłvykankama raspačataja kryminalnaja sprava ŭ dačynieńni da načalnika centra strachavych pasłuh ZAST «Biełnaftastrach». Žančynie inkryminujecca ŭčynieńnie złačynstva, praduhledžanaha č.1 art. 14, č. 4 art. 209 Kryminalnaha kodeksa Biełarusi (zamach na machlarstva, učynienaje arhanizavanaj hrupaj albo ŭ asabliva bujnym pamiery). Sankcyja hetaha artykuła praduhledžvaje pakarańnie da 10 hadoŭ pazbaŭleńnia voli.
Pa dadzienych pravaachoŭnych orhanaŭ, načalnik centra strachavych pasłuh ZAST «Biełnaftastrach» pa zmovie sa svaim svajakom, što pracavaŭ namieśnikam hałoŭnaha ŭrača Kaściukovickaj centralnaj rajonnaj balnicy, zadumała ŭčynić strachavoje machlarstva i «kinuć» kampaniju na sumu bolš za 43 młn rubloŭ. Adnak svoj namier davieści da kanca jany nie zmahli.
U ZAST «Biełnaftastrach» pakul admaŭlajucca kamientavać toje, što adbyłosia, i kažuć, što treba spačatku dačakacca suda. Adzinaje, što rastłumačyli ŭ kampanii, heta toje, što sproba machlarstva z boku kiraŭnika rehijanalnaha centra była vyjaŭlenaja ŭłasnaj słužbaj biaśpieki, paśla čaho materyjały pieradali ŭ pravaachoŭnyja orhany.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski13
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2424
Kamientary