Enerhietyčnyja kampanii krainy buduć budavać novyja enerhabłoki nie na vuhali, na jaki raniej abapirałasia polskaja enerhietyka, a na hazie. Jany supracoŭničajuć z polskaj hazavaj kampanijaj PGNiG. U Polščy znojdzieny najbolšyja ŭ Jeŭropy radoviščy słancavaha hazu. Navatarskuju technałohiju jaho zdabyčy raspracavali amierykanskija kampanii. Dziakujučy hetamu cana hazu na rynku ZŠA ciapier upała da 95 dalaraŭ za tysiaču kubamietraŭ. Dla paraŭnańnia, Rasija biare ź Biełarusi 165, z Ukrainy — 416 dalaraŭ za tysiaču kuboŭ, a z Polščy — 500 dalaraŭ.
Pieršym haz maje dać radovišča Viejhierova, što kala Hdańska. Pałasa radoviščaŭ ciahniecca ad uźbiarežža Bałtyjskaha mora ŭzdoŭž dalinaŭ Visły i Buha až da Karpat. Kali pradkazańni amierykanskich hieołahaŭ paćvierdziacca, Polšča zabiaśpiečyć hazam patreby nie tolki svaje, ale i častki susiedziaŭ pa Jeŭrasajuzie.
