Viktoryja! Azaranka vyjhrała Australian Open i stała pieršaj rakietkaj śvietu
U finale jana nie pakinuła šancaŭ Maryi Šarapavaj — 6:3, 6:0.
Siońnia ŭ Mielburnie prajšoŭ finał Australian Open — pieršaha ŭ siezonie turnira ź sieryi «Vialikaha šlemu». U vyrašalny matč žanočych spabornictvaŭ vyjšli naša Viktoryja Azaranka i rasijanka Maryja Šarapava.Zrešty, i Šarapava nie čužaja dla Biełarusi. Jaje baćki byli rodam z Homiela, ale paśla Čarnobylskaj katastrofy pakinuli Biełaruś. Maryja naradziłasia ŭ Niahani. Šarapava trojčy vyhravała turniry «Vialikaha šlemu», były pieršaj rakietkaj śvietu. Cikava, što adnym z pamočnikaŭ Šarapavaj źjaŭlajecca biełarus Uładzimir Vaŭčkoŭ, kolišni paŭfinalist Uimbłdona.
Viktoryja na dva hady maładziej za rasijanku. Sioletni turnir u Mielburnie — heta pieršy ŭ jaje karjery finał «Vialikaha šlemu». Pakul najvyšejšaj pazicyjaj dla ŭ rejtynhu WTA była treciaja.
Tym nie mienš, pierad finałam bukmiekiery favarytkaj nazyvali Azaranku. Na jaje Viktoryju prymalisia kaaficyjenty 1,75, na Šarapavu — 2,1.Cikava, što hetyja dźvie spartsmienki źjaŭlajucca adnymi z samych hałasistych. Na kortach Mielburna Šarapava kryčała paśla adbitych miačoŭ z hučnaściu 98 decybieł, a Azaranka — 91.
Sama sustreča pačałasia nie vielmi ŭdała dla Azaranki. Jana prajhrała svaju padaču. Ale na ščaście, amal adrazu adyhrała padaču — 2:2.
Potym kožnaja z tenisistak brali svaje padačy. Choć adčuvałasia, što niavymušanych pamyłak u Šarapavaj usio ž zaŭvažna bolej. Vyrašalnym momantam pieršaha setu adbyŭsia pry liku 4:3 na karyść Azaranki. Biełaruska znoŭ zmahła ŭziać čužuju padaču, paśla čaho bieź ciažkaściaŭ spraviłasia sa svajoj — 6:3.
Druhi set dla našaj spartsmienki pačaŭsia vielmi ŭdała. Jana adrazu zrabiła brejk. Pryčym, Šarapava dapuściła niekalki zusim nieabaviazkovych pamyłak. «Heta budzie ŭdar pa psichicy Šarapavaj», — zaznačyŭ kamientatar na «Jeŭrasporcie».Zdajecca, što ad hetaha šoku rasijanka adyści tak i nie zmahła. Viktoryja biez prablem skončyła set na svaju karyść — 6:0. Šancaŭ u Šarapavaj nie było nijakich. Takuju hulniu złaviła Vika.
Za pieramohu Viktoryja zarabiła 2,3 miljony dalaraŭ. Ale samaje hałoŭnaje — jana ŭpieršyniu ŭ historyju stała pieršaj rakietkaj śvietu. Słavutaja Natalla Źvierava dabirałasia tolki da
Takim čynam, Vika ŭzyšła na pieršuju stupieńki rejtynha ŭ 22 hady.
Ciapier čytajuć
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?2
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara1919
Kamientary