Pa finansavych vynikach 2011 SP ZAT «Miłavica» paniesła dadatkovyja vydatki ŭ pamiery 2,5 młn. jeŭra i maje namier inicyjavać viartańnia prefierencyj pa mytnych pošlinach, paviedamiŭ karespandentu BIEŁTA hienieralny dyrektar pradpryjemstva Dźmitryj Dzičkoŭski. Finansavyja straty pradpryjemstva paŭstali z pryčyny prymianieńnia adzinych mytnych pošlin u ramkach Mytnaha sajuza.
Materyjały dla vytvorčaści harsetnych vyrabaŭ (ełastyčnaje pałatno, ełastyčnyja karunki, vyšyŭki, azdobnyja stužki, kubki) źjaŭlajucca vielmi śpiecyfičnymi i impartujucca pradpryjemstvam z 16 krain śvietu. D
a ŭstupleńnia ŭ siłu pravił Mytnaha sajuza siaredniaja mytnaja pošlina na impartujemyja materyjały składała dla «Miłavicy» 4,5%. Z 1 studzienia 2010 hoda jana vyrasła da 12,5%, miechanična paŭtaryŭšy anałahičnuju mytnuju staŭku Rasijskaj Fiederacyi.Pavyšeńnie pošlin pastaviła pad pahrozu cenavuju kankurentazdolnaść biełaruskaha vytvorcy harsetnych vyrabaŭ, adznačyŭ Dźmitryj Dzičkoŭski.
Akramia taho, z 2010 hoda staŭki ŭvaznych mytnych pošlin na hatovyja harsetnyja vyraby pry pastaŭkach u krainy Mytnaha sajuza źnizilisia z 20% da 10%, što palehčyła dostup jeŭrapiejskich vytvorcaŭ na jomisty rasijski rynak. Apošniaje apynułasia vielmi adčuvalnym dla «Miłavicy», u jakoj 65% prodažaŭ prypadaje na Rasijskuju Fiederacyju. U hieahrafii zbytu, akramia taho, 20% prodažaŭ ažyćciaŭlajecca na ŭnutranym biełaruskim rynku, 10% — va Ukrainie, astatniaje — na rynkach ES.
Chutkaje ŭstupleńnie Rasii ŭ SHA jašče bolš ŭskładnić markietynhavuju situacyju dla biełaruskaha vytvorcy harsetnych vyrabaŭ, ličać na pradpryjemstvie.Adbudziecca admiena achoŭnych pošlin i abjadnany rynak krain AEP apyniecca całkam adkrytym dla jeŭrapiejskich kankurentaŭ «Miłavicy». U toj ža čas dla biełaruskich tavaravytvorcaŭ zachoŭvajucca ŭvaznyja pošliny ŭ pamiery 12% pry eksparcie ŭ krainy Jeŭrasajuza.
«Na rynkach ES my robimsia niekankurentazdolnymi, tak jak vypłata pošliny na syravinu ŭ pamiery 12,5% pryvodzić da adpaviednaha padaražeńnia našych vyrabaŭ dla jeŭrapiejskaha spažyŭca,— adznačaje hienieralny dyrektar pradpryjemstva. — Jeŭrapiejskija vytvorcy znachodziacca ŭ zahadzia bolš vyjhryšnym stanoviščy, pry nulavych staŭkach na užyvalnaje syravinu i nulavych, u pierśpiektyvie, pošlinach pry ŭvozie na terytoryju AEP».
Kiraŭniki pradpryjemstva nieadnarazova inicyjavali ŭ ramkach Mytnaha sajuza pierahlad dziejučych praviłaŭ i viartańnie «Miłavicy» prefierencyj pa mytnych pošlinach.Zachavańnie kankurentazdolnaści viadučaha biełaruskaha brenda pavinna stać adnoj ź pierahavornych pazicyj Biełarusi ŭ farmiravańni praviłaŭ Adzinaj ekanamičnaj prastory, ličyć Dźmitryj Dzičkoŭski.
SP ZAT «Miłavica» adličvaje svaju historyju z 1908 hoda, kali ŭ Minsku francuzskija paddanyja braty Turne stvaryli hałantarejnuju fabryku pa vytvorčaści žanočych hrabianioŭ. U 1991 hodzie pradpryjemstva atrymała nazvu «Miłavica», u 1992-m pieraŭtvorana ŭ akcyjaniernaje tavarystva. Pradpryjemstva pieršym u Biełarusi atrymała siertyfikat adpaviednaści sistemy jakaści ISO 9001-96. U 2000 hodzie stvorana SP ZAT «Miłavica» z udziełam kampanii Iłuna Hrup SPA (Italija). Siońnia razdrobnaja sietka Milavitsa naličvaje bolš za 450 kramaŭ u 16 krainach śvietu. Za apošnija hady pradpryjemstva demanstravała burny rost abjomu prodažaŭ (2009 hod — 55,374 młn. jeŭra, 2010 hod — 68,791 młn. jeŭra, 2011 hod — 82,359 młn. jeŭra).
