«Vybar zrobleny pavodle jaho tvoraŭ. U jaho ceły šerah tvoraŭ najvyšejšaha ŭzroŭniu, adznačanych i ŭ respublicy, i za jaje miežami. Šansy, kali nie budzie palityzavana, to vysokija… Kali ŭsio heta źviadziecca z hledzišča palityki, to, viadoma ž, tut buduć hrać siły inšyja», — kaža staršynia Sajuza piśmieńnikaŭ Biełarusi Mikałaj Čarhiniec.
Jeŭraradyjo vyrašyła pašukać jaho knihi ŭ staličnych kniharniach. Znajšło! Praŭda, daviałosia papoŭzać na kalenkach. U kniharni «Padpisnyja vydańni» praz 5 chvilin pošukaŭ na samaj nižniaj palicy znajšoŭsia asobnik knihi «Sałodkija ślozy» 2010 hoda vydańnia. Kaštuje 15 tysiač. U «Centralnaj» kniharni cełyja try knihi. Tam byli jašče sielski detektyŭ «Ćviety provincii» i historyja vajennaha kachańnia «Biez anhiełov». Kaštujuć demakratyčna — 13–15 tysiač, asablivym popytam nie karystajucca. Šansy jašče adnaho biełaruskaha piśmieńnika, naminavanaha
«Ja vam skažu, što Niaklajeŭ charošy paet, ale drenny palityk. Mnie i škada jaho. Jany zabili ŭ im charošaha paeta, vyciahnuŭšy jaho na scenu palityčnaj vałtuźni».
Darečy, naminant ad SPB Hieorhij Marčuk sapraŭdnaja ciomnaja ptuška. Navat «Vikipiedyja» viedaje tolki ab adnym jaho tvory — tym samym sielskim detektyvie «Ćviety provincii»…
Takim čynam, sioleta Biełaruś užo maje troch naminantaŭ. Akramia Marčuka i Niaklajeva ŭ litaratury jość jašče pravaabaronca i palitviazień Aleś Bialacki (premija miru).
Sam Marčuk svajo vyłučeńnie nijak nie kamientuje. Maŭlaŭ, heta parušaje praviły Nobieleŭskaha kamiteta.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)