Radyjostancyja «Hołas Amieryki» paprasiła prabačeńnia za publikacyju falšyvaha intervju z rasijskim apazicyjanieram Alaksiejem Navalnym.
«U aŭtorak 31 studzienia rasijskaja słužba „Hołasu Amieryki“ apublikavała materyjał, u jakim, jak my ličyli na toj momant, utrymlivałasia intervju z Alaksiejem Navalnym. Na nastupny dzień spadar Navalny zajaviŭ, što jon hetaha intervju nie davaŭ… My prynosim spadaru Navalnamu i našaj aŭdytoryi ščyryja prabačeńni», — havorycca ŭ zajavie na sajcie radyjostancyi.
«U epochu miedyjnaha łandšaftu, jaki chutka źmianiajecca, tyja mietady vieryfikacyi, jakija raniej zdavalisia dastatkovymi, siońnia mohuć vyjavicca sastarełymi. My zrobim naležnyja vysnovy z hetaha incydentu, umacavaŭšy redakcyjnyja standarty i ŭvioŭšy dadatkovyja miery pravierki krynic infarmacyi», — skazana ŭ zajavie.
Dniom raniej Navalny abvinavaciŭ «Hołas Amieryki» ŭ tym, što radyjostancyja apublikavała na sajcie tekst intervju, jakoha jon nie davaŭ.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary