Siońnia znoŭ adbyŭsia ŭsplosk avaryj na Minskaj kalcavoj darozie.
Bolš fota hladzicie tut.
Adno z najbolš surjoznych DTZ zdaryłasia na vonkavym baku, na ŭčastku pamiž vuł. Prytyckaha i vuł. Mazurava. Dakładniej, heta byŭ šerah zdareńniaŭ.
Jak paviedamlaje Anłajnier, paškodžanyja piać aŭtamabilaŭ, dva ź ich apynulisia ŭ kiuviecie, jašče adzin urezaŭsia ŭ adbojnik. Paciarpieła žančyna, jakaja znachodziłasia za rulom adnoj z mašyn, paviedamili supracoŭniki DAI. MKAD na niekatory čas była pierakrytaja.
U kiuviecie apynulisia Fiat Bravo i Mercedes. Pryčym apošni aŭtamabil lažaŭ na baku. U Ford Fiesta i Citroen Xsara raźbityja piarednija častki. Renault Megane urezaŭsia ŭ aharodžu. Pavodle infarmacyi DAI, była špitalizavanaja kiroŭca Citroen. U jaje, pa papiarednich dadzienych, pierałom rebraŭ.
Adzin z udzielnikaŭ DTZ raskazaŭ, jak usio adbyłosia: «Spačatku niezaležna adzin ad adnaho zaniesła Fiat i Ford. Praź niekatory čas pobač spyniŭsia kiroŭca Mercedes. Jon prapanavaŭ kiroŭcam pahrecca ŭ jaho ŭ mašynie, vyrašyŭ dapamahčy. Litaralna praź niekalki siekund zanosić jašče adnu mašynu — Citroen Xsara. Jana ŭrazajecca ŭ zadniuju častku Mercedes, jaki vykidvaje ŭ kiuviet. A praź dźvie chviliny zaniesła Renault Megane, i jon urezaŭsia ŭ słup».
Kamientary