U Redakcyju trapiŭ našumieły zvarot pradstaŭnikoŭ biełaruskaj hramadskaści da jeŭrastruktur ab źmiakčeńni vizavych sankcyj. Pa našych źviestkach, list tak i nie byŭ adpraŭleny adrasatam. Zvarot napisany
«Jeŭrapiejskamu Sajuzu nieabchodna pakinuć simvaličnyja sankcyi i praduchilić izalacyju Biełarusi.
My źviartajemsia da ŭradaŭ
My pierakananyja, što tyja, chto byŭ zamiašany ŭ surjoznych parušeńniach pravoŭ čałavieka pavinny zastavacca ŭ śpisie nieŭjaznych, a taksama tudy musiać być dadadzienyja novyja imiony. Ale niekatoryja imiony ź ciapierašniaha śpisu mohuć być vyklučanyja — u pryvatnaści, imiony tych, chto nie ŭdzielničaŭ niepasredna u surjoznych parušeńniach pravoŭ čałavieka.My padzialajem zakłapočanaść losam palityčnych źniavolenych. Adnak my ličym, što dalejšaja izalacyja biełaruskich čynoŭnikaŭ budzie tolki pavyšać vierahodnaść znachodžańnia palityčnych źniavolenych ŭ turmie. Akramia taho, my baimsia, što praz takoha kštałtu izalacyju biełaruskaje hramadstva stracić svaje niešmatlikija i słabyja suviazi ź Jeŭrapiejskim Sajuzam i budzie adsunuta jašče dalej ad ahulnajeŭrapiejskich pracesaŭ. My pierakananyja, što važna prysłuchacca da hołasu ŭsiaho biełaruskaha hramadstva, jakoje zaklikaje da reformaŭ i źmienaŭ.
Zasiarodžvańnie ŭvahi tolki na pašyreńnie śpisu nieŭznych u siońniašni momant moža pryvieści da efiektu, procilehłaha pažadanamu, heta značyć sankcyi buduć spryjać kansalidacyi kirujučych elitaŭ, jakaja pryviadzie da admovy ad jeŭrapiejskaha viektaru raźvićcia Biełarusi i stvoryć dadatkovyja barjery dla mižnarodnaha supracoŭnictva.Kali aficyjnym asobam, čyje imiony ŭklučany ŭ śpis zabarony na ŭjezd, nieabchodna naviedać ES, jany ŭ stanie zrabić heta, prynamsi, niekatoryja ź ich. Naprykład, udzielničajučy ŭ pasiadžeńniach mižnarodnych arhanizacyj, jak niadaŭna zrabiŭ ministr unutranych spravaŭ.
Zamiest taho, kab zasiarodžvacca na sankcyjach, Jeŭrapiejski Sajuz pavinien pašyryć svaje kanały suviazi z nasielnictvam Biełarusi ŭ cełym, u tym liku ź dziaržaŭnymi strukturami, i hadavać elitu i padtrymlivać namahańni, nakiravanyja na karennyja reformy.
Jeŭropa pavinna ŭzmacnić svaju padtrymku efiektyŭnych, nie abaviazkova abjadnanych, apazicyjnych struktur, biełaruskaj moładzi, hramadskich arhanizacyj, adukacyjnych ustanoŭ i niezaležnych ŚMI».
Dakumient nam trapiŭ bieź imionaŭ padpisantaŭ.