Pravasłaŭnyja Mahilova prosiać admianić rok-opieru «Isus Chrystos — supierzorka»

Kala 500 podpisaŭ nakiravana staršyni Mahiloŭskaha abłvykankama Piatru Rudniku pad zvarotam admianić u Mahilovie vystupleńnie Sankt-Pieciarburhskaha teatra «Rok-opiera» z pastanoŭkaj «Isus Chrystos — supierzorka». Rok-opiera, zhodna z afišami, pavinna demanstravacca ŭ abłasnym Domie kultury 3 sakavika.

«Sam aŭtar libreta rok-opiery Cim Rajs maje antychryścijanski pohlad, jon skažaje mnohija klučavyja momanty biblejskaj historyi»,

«Možna śćviardžać, što rola viadučaha piersanaža ŭ opiery addadziena Iudzie ŭ roŭnaj ci navat bolšaj stupieni, čym Isusu. Aŭtar opiery žudasna skažaje jevanhielski vobraz, jon jak by spačuvaje i apraŭdvaje Iudu. Aŭtar ličyć, što Iuda byŭ samym hłybokadumnym z apostałaŭ, tamu trapiŭ u takuju situacyju, i zdradziŭ Isusu nie za 30 siarebranikaŭ, a za ideju», — adznačyŭ viernik.

Jon dadaŭ,

što aŭtar opiery supraćpastaŭlaje svajo bačańnie Jevanhiella bačańniu apostałaŭ, jakija, budučy vučniami Chrysta, napisali hetaje Jevanhielle. «Atrymlivajecca, što jon apostałaŭ abvinavačvaje ŭ chłuśni», — zaŭvažyŭ Sidarovič.

Dla chryścijan, padkreśliŭ jon, nieprymalnaje admaŭleńnie boskaści Isusa Chrysta. «Kali adkryjecie mahiloŭskuju internet-afišu, tam napisana, što ŭ opiery hałoŭnaje — sutyknieńnie dvuch mocnych charaktaraŭ Iudy i Isusa. Ale ž sutyknieńnia tam nijakaha nie było: Iuda zdradziŭ Chrystu, i ŭsio, a potym pajšoŭ i paviesiŭsia», — havoryć viernik.

Akramia taho, pavodle słoŭ Sidaroviča, nieprymalna akciora nazyvać Isusam Chrystom.

«Tolki na ikonach mahčyma vyjaŭlać Hospada śpiecyjalna padrychtavanym da hetaha ludziam. U starych filmach, tych ža amierykanskich, nidzie Chrysta i Božuju maci nie pakazvajuć. Kali tolki zdalok sa śpiny abo ŭ niejkim źziańni. Jaŭnaj vyjavy niama»,

«Toje, da čaho carkva i biełaruskija ludzi staviacca ź vialikaj pašanaj, nam sprabujuć padnieści ŭ niejkim bradviejskim varyjancie. Śviatoje Jevanhielle apuskajuć da miuzikła z prytancoŭkami i rok-muzykaj», — pracytavaŭ Ilja Sidarovič tekst zvarotu da kiraŭnika abłvykankama.

U dakumiencie adznačajecca, što «nie tak daŭno Mahiloŭski abłvykankam pa prośbie ludziej užo spyniaŭ bluźnierstva — zabaraniŭ pakaz filma «Kod da Vinčy». «I ciapier mahilaŭčanie spadziajucca na razumieńnie i dapamohu ŭładaŭ u niedapuščeńni čarhovaha bluźnierstva», — havorycca ŭ zvarocie.

Prykład admieny rok-opiery «Isus Chrystos — supierzorka» pa zapatrabavańni hramadskaści ŭžo mieŭ miesca ŭ 2009 hodzie ŭ Pskovie, dzie hetaja pastanoŭka była zamienienaja na inšuju.

Ciapier zbor podpisaŭ za admienu pakazu rok-opiery praciahvajecca.

• 0
• 0
• 0
• 0
• 0
• 0
• 0
• 0