Праваслаўныя Магілёва просяць адмяніць рок-оперу «Ісус Хрыстос — суперзорка»

Каля 500 подпісаў накіравана старшыні Магілёўскага аблвыканкама Пятру Рудніку пад зваротам адмяніць у Магілёве выступленне Санкт-Пецярбургскага тэатра «Рок-опера» з пастаноўкай «Ісус Хрыстос — суперзорка». Рок-опера, згодна з афішамі, павінна дэманстравацца ў абласным Доме культуры 3 сакавіка.

«Сам аўтар лібрэта рок-оперы Цім Райс мае антыхрысціянскі погляд, ён скажае многія ключавыя моманты біблейскай гісторыі»,

«Можна сцвярджаць, што роля вядучага персанажа ў оперы аддадзена Іудзе ў роўнай ці нават большай ступені, чым Ісусу. Аўтар оперы жудасна скажае евангельскі вобраз, ён як бы спачувае і апраўдвае Іуду. Аўтар лічыць, што Іуда быў самым глыбокадумным з апосталаў, таму трапіў у такую сітуацыю, і здрадзіў Ісусу не за 30 сярэбранікаў, а за ідэю», — адзначыў вернік.

Ён дадаў,

што аўтар оперы супрацьпастаўляе сваё бачанне Евангелля бачанню апосталаў, якія, будучы вучнямі Хрыста, напісалі гэтае Евангелле. «Атрымліваецца, што ён апосталаў абвінавачвае ў хлусні», — заўважыў Сідаровіч.

Для хрысціян, падкрэсліў ён, непрымальнае адмаўленне боскасці Ісуса Хрыста. «Калі адкрыеце магілёўскую інтэрнэт-афішу, там напісана, што ў оперы галоўнае — сутыкненне двух моцных характараў Іуды і Ісуса. Але ж сутыкнення там ніякага не было: Іуда здрадзіў Хрысту, і ўсё, а потым пайшоў і павесіўся», — гаворыць вернік.

Акрамя таго, паводле слоў Сідаровіча, непрымальна акцёра называць Ісусам Хрыстом.

«Толькі на іконах магчыма выяўляць Госпада спецыяльна падрыхтаваным да гэтага людзям. У старых фільмах, тых жа амерыканскіх, нідзе Хрыста і Божую маці не паказваюць. Калі толькі здалёк са спіны або ў нейкім ззянні. Яўнай выявы няма»,

«Тое, да чаго царква і беларускія людзі ставяцца з вялікай пашанай, нам спрабуюць паднесці ў нейкім брадвейскім варыянце. Святое Евангелле апускаюць да мюзікла з прытанцоўкамі і рок-музыкай», — працытаваў Ілья Сідаровіч тэкст звароту да кіраўніка аблвыканкама.

У дакуменце адзначаецца, што «не так даўно Магілёўскі аблвыканкам па просьбе людзей ужо спыняў блюзнерства — забараніў паказ фільма «Код да Вінчы». «І цяпер магіляўчане спадзяюцца на разуменне і дапамогу ўладаў у недапушчэнні чарговага блюзнерства», — гаворыцца ў звароце.

Прыклад адмены рок-оперы «Ісус Хрыстос — суперзорка» па запатрабаванні грамадскасці ўжо меў месца ў 2009 годзе ў Пскове, дзе гэтая пастаноўка была замененая на іншую.

Цяпер збор подпісаў за адмену паказу рок-оперы працягваецца.

• 0
• 0
• 0
• 0
• 0
• 0
• 0
• 0