Achviara novaj chvali «Zrabi sa svajho kata buterbrod».
Adzin z uzoraŭ katamatrycy. Fota kotomatrix.ru.
"Mona Liza". fatcatart.ru.
"Prahułka. Zakachanyja". fatcatart.ru.
"Bahatyry". fatcatart.ru.
Sučasny internet faktyčna pieratvaryŭsia ŭ hłabalnaje lusterka našych słabaściaŭ, zachapleńniaŭ i antypatyj.Jon prapanuje bahaty vybar instrumientaŭ dla samavyjaŭleńnia — ad prostaha tekstu da multymiedyja. I hetym mnohija karystajucca, kab zajavić pra siabie na ŭvieś virtualny śviet. I nie tolki pra siabie.
Tak, siarod inšych na ŭsieahulny ahlad traplajuć braty našy mienšyja.Nie sakret, što mnohija ludzi lubiać katoŭ. I hetaja pryviazanaść, u spałučeńni z mahčymaściami internetu, stvaryła virtualny kult. I tut, jak i ŭ realnym žyćci, jość tyja, chto macuje hety kult, i tyja, chto zajmajecca jaho raźviančańniem. Možna śmieła kazać, što tema katoŭ u internecie pa papularnaści adstaje chiba ad materyjałaŭ dla darosłych.
Voś i niadaŭna karystalnikaŭ sieciva achapiła čarhovaja lichamanka.Novy ruch maje nazvu «Zrabi sa svajho kata buterbrod». Haspadary «ŭpryhožvajuć» svaich katoŭ kavałkami chleba, fatahrafujuć i vykładajuć zdymki ŭ internet.
Masavaja internet-katamanija vylivajecca ŭ stvareńnie admysłovych sajtaŭ, na jakich možna vykłaści fota i videa svaich hadavancaŭ,supravadziŭšy ich tekstam. Zacikavilisia? Tady zazirnicie na sajty kštałtu kotomatrix.ru abo kotomania.com.
Adnak, nie tolki fotažaby katoŭ karystajucca šalonaj papularnaściu.Časta prostyja roliki robiacca chitami internetu. Jak naprykład, videa kotak Styny i Mosi, što «pieramaŭlajucca» pamiž saboj. Za 5 hadoŭ na Jutubie rolik pabačyli bolš za 50 miljonaŭ čałaviek.
Mnohim padobnaja papularnaść nie daje spakoju i tady na śviet adna za adnoj naradžajucca parodyi.Ci viedaŭ toj ryžy kot, jaki ŭ časie zdymak chatniaha videa nie vytrymaŭ i ŭciok z pad abjektyva na zadnich łapach, što stanie nie tolki zorkaj sieciva, ale i abjektam dziasiatkaŭ žartaŭlivych pierarobak?
I na reštu raskažam pra internet-prajekt «Vialikamu katu — vialikija mastaki».Jahony hieroj — vialiki ryžy kot, jaki volaj stvaralnikaŭ sajtu traplaje na pałotniščy znakamitych mastakoŭ, padmianiajučy saboj piersanažaŭ ich tvoraŭ. Tak, na karcinie Marka Šahała «Zakachanyja. Prahułka» mužčyna trymaje za…łapu vielizarnaha ryžaha kata. Dumajecca, nie treba tłumačyć, jakuju Danaju na karcinie Rembrandta pabačać naviedniki sajta.
0
0
0
0
0
0
