Ajciec Mikałaj kidaŭsia z kułakami na DAIšnikaŭ, a paśla pabiŭ patrulnuju mašynu.
Kiraŭnictva Ukrainskaj pravasłaŭnaj carkvy Maskoŭskaha patryjarchata paabiacała pakarać pjanaha śviatara Mikałaja Klimienku, jaki napaŭ z kułakami na supracoŭnikaŭ DAI. «Pakarańnie budzie surovym. Śviatar jość śviatar. Heta moža być zabarona słužeńnia, pazbaŭleńnie sanu», - zajavili ŭ cerkvy.
8 lutaha ŭ Kijevie DAI spyniła ŭsiedarožnik, za rulom jakoha byŭ absalutna pjany śviatar. Jon pierabłytaŭ darohu z chodnikam i ledź nie źbiŭ niekalkich piešachodaŭ.
Troje inśpiektaraŭ hadzinu nie mahli zładzicca z bujnym ajcom Mikałajem. Jon kidaŭsia z kułakami spačatku na ich, zryvaŭ pahony, furažku, znački. Potym pieraklučyŭsia na transpart - pabiŭ patrulnuju mašynu. Dastałasia navat maršrutcy, jakaja prajazdžała mima. U rešcie rešt śviatar sam ledź nie patrapiŭ pad koły aŭto, bo słaba trymaŭsia na nahach. Kab suniać duchoŭnika, jaho pryjšłosia začynić va ŭłasnaj ža mašynie.
Zatrymany admoviŭsia ad praviadzieńnia pravierki na najaŭnaść ałkaholu ŭ kryvi, a taksama ad padpisańnia składzienaha pa fakcie parušeńnia praviłaŭ darožnaha ruchu pratakołu. Materyjały pa fakcie kiravańnia aŭtamabilem u stanie ałkaholnaha apjanieńnia pieradadzienyja ŭ sud.
Kamientary