U Mahilovie admienieny pakaz rok-opiery «Isus Chrystos — supierzorka»

Mahilaŭčanie nie ŭbačać vystupleńnie Sankt-Pieciarburhskaha teatra «Rok-opiera» z pastanoŭkaj «Isus Chrystos — supierzorka», jakaja była zapłanavana na 3 sakavika ŭ Pałacy kultury vobłaści. Zamiest jaje budzie pakazana opiera «Arfiej i Eŭrydyka» hetaha ž teatra.

Nahadajem, hrupa pravasłaŭnych viernikaŭ napisała zvarot da kiraŭnika Mahiloŭskaha abłvykankama Piatra Rudnika z prośbaj admianić rok-opieru, bo, na ich dumku, u joj pieraviernutyja i skažonyja klučavyja momanty biblejskaj historyi.

«My byli vymušanyja admianić pakaz rok-opiery „Isus Chrystos — supierzorka“, kab nie nahniatać kanfliktu»,

jakija nazyvajuć siabie pravasłaŭnymi viernikami»,

Pavodle jaho słoŭ, centr «ArtFest», jaki arhanizavaŭ u Mahilovie hastroli Sankt-Pieciarburhskaha teatra «Rok-opiera», panios i materyjalny i maralny ŭron z-za zamieny śpiektakla. «Dla inšaha śpiektakla treba budzie vieźci dadatkovyja dekaracyi, brać dadatkovuju mašynu, buduć dadatkovyja rekłamnyja zatraty i mnohaje inšaje», — zaznačyŭ kiraŭnik «ArtFesta».

«My, pierš čym abjaŭlać hetu prahramu, razumiejučy, što jana takaja śpiecyfičnaja, atrymali zhodu ad ideałahičnych orhanaŭ, i nie było nijakich pytańniaŭ. Za paŭtara miesiaca jak my abjavili hetu prahramu, nie było ni zvanka, ni skarhi na jaje», — skazaŭ Braiłoŭski.

Aprača taho, pavodle jaho słoŭ,

pastanoŭku «Isus Chrystos — supierzorka» bolš jak 25 hadoŭ tamu błahasłaviŭ Maskoŭski patryjarchat.

Jak zaznačyŭ mastacki kiraŭnik, «u nas śvieckaja dziaržava». «I jość kankretnyja ŭkazańni, na što treba nakładvać zabaronu — prapahanda nasilla, parnahrafija, raspačynańnie mižrelihijnaj varožaści i hetak dalej», — kaža jon.

Kiraŭnictva centra «ArtFest» užo źviarnułasia ŭ Ministerstva kultury Biełarusi i respublikanski Kamitet pa spravach relihij z prośbaj razhledzieć hetu situacyju i dać joj svaju acenku. «I ja nie vyklučaju, što my prapanujem u nastupny kancertny siezon hety tvor», — zajaviŭ Braiłoŭski. Pavodle jaho słoŭ, jon drennamu nie vučyć, a tolki «dałučaje moładź da relihii».

Pa biletach, nabytych u Mahilovie na rok-opieru «Isus Chrystos — supierzorka», možna pahladzieć rok-opieru «Arfiej i Eŭrydyka» abo viarnuć za ich hrošy.

Nahadajem, u Homieli, dzie rok-opieru płanujecca pakazać 4 sakavika, H

omielskaja jeparchija Biełaruskaj pravasłaŭnaj carkvy 13 lutaha nakiravała listy ŭ Homielski abłvykankam i harvykankam, a taksama va ŭpraŭleńnie kultury Homielskaha abłvykankama z prośbaj admianić śpiektakl.

• 0
• 0
• 0
• 0
• 0
• 0
• 0
• 0