Biełaruś maje namier pryciahnuć zamiežnych inviestaraŭ da raspracoŭki radoviščaŭ buraha vuhalu, zajaviŭ siońnia na pres‑kanfierencyi «Uzmacnieńnie roli ekanamičnych miechanizmaŭ u halinie achovy navakolnaha asiarodździa i pryrodakarystańnia» ministr pryrodnych resursaŭ i achovy navakolnaha asiarodździa Biełarusi Lavoncij Charužyk.
Pavodle jaho słoŭ, adna prapanova ab stvareńni sumiesnaha pradpryjemstva pa raspracoŭcy radoviščaŭ buraha vuhalu i budaŭnictvu hornazdabyŭnych pradpryjemstvaŭ užo atrymana z boku kitajskaj kampanii. «Adnak ab supracoŭnictvie havaryć pakul jašče rana, — skazaŭ ministr. — My razhledzim i acenim i inšyja prapanovy, jakija buduć da nas pastupać, a zatym vybieram najbolš vyhadnuju ź ich».
Lavoncij Charužyk adznačyŭ, što pryciahnieńnie zamiežnych inviestycyj źjaŭlajecca adnym z napramkaŭ dziaržaŭnaj palityki Biełarusi.
