Беларусь мае намер прыцягнуць замежных інвестараў да распрацоўкі радовішчаў бурага вугалю, заявіў сёння на прэс‑канферэнцыі «Узмацненне ролі эканамічных механізмаў у галіне аховы навакольнага асяроддзя і прыродакарыстання» міністр прыродных рэсурсаў і аховы навакольнага асяроддзя Беларусі Лявонцій Харужык.
Паводле яго слоў, адна прапанова аб стварэнні сумеснага прадпрыемства па распрацоўцы радовішчаў бурага вугалю і будаўніцтву горназдабыўных прадпрыемстваў ужо атрымана з боку кітайскай кампаніі. «Аднак аб супрацоўніцтве гаварыць пакуль яшчэ рана, — сказаў міністр. — Мы разгледзім і ацэнім і іншыя прапановы, якія будуць да нас паступаць, а затым выберам найбольш выгадную з іх».
Лявонцій Харужык адзначыў, што прыцягненне замежных інвестыцый з’яўляецца адным з напрамкаў дзяржаўнай палітыкі Беларусі.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары