Najbližejšym časam kampanija "Mabilnyja TeleSistemy" (MTS) budzie znoŭ vystaŭlena na prodaž. Ab hetym paviedamiŭ žurnalistam 14 lutaha vice-premjer Anatol Kalinin.
"Pieramovy z patencyjalnymi inviestarami viaducca. My chočam, kab śpis pašyryŭsia i kankurencyja ŭzrasła", — skazaŭ vice-premjer, padkreśliŭšy, što cana prodažu, abjaŭlenaja raniej, zastaniecca niaźmiennaj.
Nahadajem, pieršapačatkova aŭkcyjon pa prodažy MTS płanavaŭsia na 1 śniežnia 2011 hoda, zatym biez tłumačeńnia pryčyn byŭ pieraniesieny na 23 śniežnia, ale taksama nie adbyŭsia.
Na aŭkcyjon vystaŭlajecca 51-pracentnaja dola ŭ statutnym fondzie STAA "Mabilnyja TeleSistemy", jakaja znachodzicca va ŭłasnaści Biełarusi i haspadarčym kiravańni RUP "Bełtelekam".
U sakaviku minułaha hoda Alaksandr Łukašenka zajaŭlaŭ, što Biełaruś hatovaja sastupić rasijskamu apierataru "MTS" 51% u biełaruska-rasijskim SP za 1 młrd. dołaraŭ, u advarotnym vypadku pakiet budzie vystaŭleny na aŭkcyjon.
