Biełaruskija hieołahi da kanca 2015 hoda raźličvajuć znajści na terytoryi respubliki radoviščy zołata i płatynoidnych mietałaŭ z zapasami kala 150 ton i zaležy ŭranavaj rudy, acenačnym abjomam kala 10 tys. ton,
paviedamiŭ načalnik departamienta pa hieałohii Minpryrody RB Uładzimir Varaksa.
«Zhodna z udakładnienaj u kancy studzieni 2012 hoda prahramie hieołaharaźviedačnych rabot, u 2011–2015 hadach u Biełarusi budzie vieścisia pošuk rud vysakarodnych mietałaŭ — zołata i płatynoidaŭ, a taksama acenka prahnoznych resursaŭ uranu», — skazaŭ čynoŭnik.
Pavodle jaho słovaŭ, takija pošuki ŭ 2011–2015 hadach buduć finansavacca za košt biudžetu na ahulnuju sumu Br24, 8 młrd, u tym liku Br18, 8 młrd — na pošukavyja raboty zołata i płatynoidaŭ.
«Navat kali my i znojdziem hetyja resursy, to heta nie značyć, što my nieadkładna budziem ich raspracoŭvać. Zrazumieła, što kali hetaje zołata budzie, z ulikam vydatkaŭ na raspracoŭku, kaštavać u 5 razoŭ daražej, čym na Łondanskaj biržy, to nichto jaho raspracoŭvać nie budzie», — skazaŭ Varaksa.
Miž tym, zhodna z prahramaj, urad RB čakaje atrymańnia da kanca 2015 hoda vynikaŭ pa zołacie i płatynoidach u abjomie 150 ton u čystaj vazie (biez rudnych prymiešak). Pa ŭranie čakanyja vyniki składajuć 10 tys. ton uranavaj rudy.
«Tut treba razumieć, što havorka idzie pra ŭranavuju rudu. Jak praviła, va ŭranavaj rudzie źmiaščajecca 1 hram uranu na tonu parody, tak što 10 tys. ton — heta nievialikaja ličba», — udakładniŭ čynoŭnik, dadaŭšy, što papiarednija dadzienyja kažuć pra toje, što imaviernaść vyjaŭleńnia hetych resursaŭ — ad 30% i nižej.
