Tozik: Kitaj hatovy inviestavać u Biełaruś 16 młrd dalaraŭ 12

Biełaruś i Kitaj užo padpisali kantrakty i kredytnyja pahadnieńni dla realizacyi inviestprajektaŭ na ahulnuju sumu ŭ 5,5 młrd dalaraŭ — paviedamlaje ahienctva Interfaks-Zachad. Takuju ličbu ahučyŭ na pasiadžeńni biełaruskaj častki biełaruska-kitajskaj mižuradavaj kamisii pa handlova-ekanamičnym supracoŭnictvie vice-premjer Biełarusi Anatol Tozik.

Pa słovach vice-premjera, Kitaj razam z Rasijaj źjaŭlajecca asnoŭnym inviestycyjnym partnioram Biełarusi. Pazyčkoŭcam kitajskich kredytaŭ aficyjna jość dziaržava ŭ asobie Ministerstva finansaŭ.

U asnoŭnym kredyty raschodujucca na madernizacyju biełaruskaj enierhasystemy. Hetak, Minenierha Biełarusi na hety momant zasvoiła 400 miljonaŭ dalaraŭ z zaćvierdžanaha kredytu ŭ 1,25 miljarda. U hetym hodzie Minenierha praciahvaje realizoŭvać za košt kitajskich kredytaŭ madernizacyju Biarozaŭskaj i Łukomskaj HRES, a taksama budaŭnictva Viciebskaj HRES.

Termin «źviazanyja kredyty» praduhledžvaje, što svoječasova viartajecca nie tolki zapazyčnaja suma i pracenty pa joj, ale i vykonvajucca inšyja ŭmovy, vystaŭlenyja kredytoram. Kitajskija kredyty praduhledžvajuć abaviazkovaje supracoŭnictva z kitajskimi kampanijami, vykarystańnie kitajskich technałohij i abstalavańnia.

0

0

0

0

0

0

Interfax.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH