«Palityka sankcyj nie daje pazityŭnych vynikaŭ», — zajaviŭ 1 sakavika žurnalistam sakratar Savieta biaśpieki Rasii Mikałaj Patrušaŭ paśla sustrečy z Łukašenkam.
«My havaryli pra niekatoryja asablivaści taho, što zaraz adbyvajecca ŭ Biełarusi. Apošnim časam my pryvykli da taho, što ŭzrovień žyćcia ŭ Jeŭrasajuzie dastatkova vysoki, i nam chočacca, kab u nas taksama byŭ vysoki ŭzrovień žyćcia. D
umaju, da hetaha pryvykli i kiraŭniki, u tym liku Jeŭrasajuza, i na hetym fonie ličać mahčymym vučyć inšyja dziaržavy i narody, jak im treba žyć»,— cytuje Patrušava BiełTA.
Sakratar Saŭbieza Rasii padkreśliŭ, što stanovišča vyklučna dynamičnaje i mianiajecca. «Toje, što adbyvajecca ŭ Jeŭrasajuzie, my bačym, mianiajecca nie ŭ lepšy bok. Adbyvajucca ŭ tym liku niehatyŭnyja źmianieńni, i ŭ ekanamičnym płanie taksama», — skazaŭ jon.
Patrušaŭ zaznačyŭ, što ŭ Jeŭropie isnujuć roznyja režymy: manarchija, prezidenckaja, parłamienckaja formy praŭleńnia. «Ale nichto nie kaža, što jany niedemakratyčnyja. Čamu ž stavicca pad sumnieńnie demakratyčnaść krainy, dzie jość Kanstytucyja, čamu ličać mahčymym uviadzieńnie ŭ tym ci inšym vypadku sankcyj, abmiežavańniaŭ? Heta što, pryvodzić da stanoŭčych vynikaŭ, dapamahaje narodam pamiž saboj bolš ciesna kantaktavać? Ničoha takoha. Hetyja rašeńni pazityŭnych vynikaŭ nie dajuć» — miarkuje rasijski čynoŭnik.
«Pazityŭ moža być tolki tady, kali iduć pieramovy, dasiahajucca kampramisy, i heta palityka ažyćciaŭlajecca dypłamatyčnymi mietadami. Dumaju, što i ŭ hetym vypadku ŭsio pavinna pryjści ŭ normu mienavita takim šlacham», — zaznačyŭ jon.
Nahadajem, 28 lutaha aficyjny Minsk rekamiendavaŭ kiraŭniku pradstaŭnictva ES i pasłu Polščy «vyjechać u svaje stalicy dla kansultacyj, kab davieści svajmu kiraŭnictvu ćviorduju pazicyju biełaruskaha boku ab nieprymalnaści nacisku i sankcyj». U svaju čarhu biełaruskija pasły ŭ Polščy i pry Jeŭrasajuzie taksama adklikany na radzimu dla kansultacyj. Takim čynam Biełaruś adreahavała na rašeńnie Savieta ES ad 27 lutaha pašyryć śpis nieŭjaznych biełaruskich čynoŭnikaŭ, uklučyŭšy ŭ jaho jašče 21 proźvišča.
U jakaści miery ŭ adkaz usie krainy ES pryniali sumiesnaje rašeńnie adklikać ź Minska svaich pasłoŭ.
Kamientary