U Pinskim rajonie pjanaja žančyna-vadziciel učyniła łabavoje sutyknieńnie z aŭtamabilem 2
U kryvi ŭ jaje vyjaŭlena 1,6 pramile ałkaholu.
Jak paviedamiła načalnik adździaleńnia pa ahitacyi i prapahandzie DAI UUS Bresckaha abłvykankama Natalla Sacharčuk, avaryja adbyłasia 5 sakavika ŭ 11.00 na vulicy Dastajeŭskaha pry ŭjeździe ŭ Pinsk.
«50-hadovaja pinčanka, kirujučy aŭtamabilem „Falksvahien Turan“, adjechała ad prydarožnaha kafe i ruchałasia ŭ bok Pinska. Spačatku jana źjechała ŭ kiuviet, vybraŭšysia adtul, vyjechała na pałasu sustrečnaha ruchu, dzie ŭčyniła łabavoje sutyknieńnie z aŭtamabilem „Miersiedes Bienc 320“. U vyniku avaryi 36-hadovy vadziciel „Miersiedesa“, žychar Pinska, atrymaŭ zakrytuju čerapna-mazhavuju traŭmu, strasieńnie hałaŭnoha mozhu, pierałom levaj klučycy i byŭ špitalizavany ŭ pinskuju haradskuju balnicu», — paviedamiła Sacharčuk.
Vinavataja ŭ DTZ nie paciarpieła. U kryvi ŭ jaje vyjaŭlena 1,6 pramile ałkaholu.
