Milinkievič nakiravaŭ adkryty list kiraŭnikam partyj i demakratyčnaj hramadzkaści, u jakim prapanavaŭ pryjści da kampramisu na asnovie prapanovaŭ Viačorki.
Milinkievič nakiravaŭ adkryty list kiraŭnikam partyj i demakratyčnaj hramadzkaści, u jakim prapanavaŭ pryjści da kampramisu na asnovie prapanovaŭ Viačorki.
«Šanoŭnyja kalehi,
Situacyja ŭ Biełarusi i vakoł jaje abvastrajecca. Isnuje pahroza niezaležnaści i ekanamičnaha kryzisu.
Demakratyčnym siłam našaj krainy, jak nikoli, vielmi važna apieratyŭna i adekvatna reahavać na vykliki času. Siońniašni stan spraŭ unutry ADS možna acharaktaryzavać jak niezdavalniajučy, pa pryčynie braku adzinstva subjektaŭ kaalicyi pa najbolš važnych pytańniach unutry kaalicyjnaha budaŭnictva. U takim stanie ADS nie mohuć efiektyŭna ŭdzielničać u palityčnym žyćci krainy i spraŭdžvać tyja spadziavańni, jakija ŭskładajuć na nas hramadzianie Biełarusi.
Nam vielmi nieabchodnyja kankretnyja prapanovy, skiravanyja na dasiahnieńnie kampramisu.
Tamu ja vitaju prapanovu staršyni Partyi BNF Vincuka Viačorki pa terminach, farmatu i źmieście Kanhresu demakratyčnych siłaŭ, vykładzienaja ŭ jaho zvarocie ad 16 lutaha 2007 hoda.
Heta dobry krok dla pačatku dyskusii ab vyrašeńni prablemaŭ.
Tamu ja zaklikaju ŭsie subjekty ADS i ŭsio demakratyčnaje hramadstva Biełarusi jak maha chutčej vykazać svajo staŭleńnie da hetaj prapanovy, jakaja znachodziacca ŭ zvarocie V. Viačorki, i sumiesnymi vysiłkami spryčynicca da zachavańnia takoha nieabchodnaha dla nas usich adzinstva».
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary