Na biełaruska litoŭskaj miažy ŭ punkcie propusku Hudahaj ź ciahnika «Vilnia-Minsk», byŭ vysadžany adzin ź lidaraŭ Abjadnanaj hramadzianskaj partyi Alaksandr Dabravolski. Pra heta paviedamiŭ NN staršynia AHP Anatol Labiedźka.
Pavodle jaho słovaŭ, pamiežniki paprasili Dabravolskaha «prajści» dla asabistaha nadhladu za niekalki chvilin da adpraŭleńnia ciahnika, paśla pravierki dakumientaŭ.
Nahadajem, siońnia ŭ druhoj pałovie dnia na prapusknym punkcie litoŭska-biełaruskaj miažy «Kamienny Łoh» pry viartańni ź Litvy była zatrymanaja Śviatłana Labiedźka, žonka lidera AHP. Pilny nadhlad ciahnuŭsia kala dźviuch hadzin. «Pieratreśli litaralna ŭsio: i asabistyja rečy, i mašynu, — kaža A.Labiedźka. — Čym vyklikanaja takaja pilnaść pamiežniki patłumačyć nie mahli. «Kazali: «Nu vot… vaš muž…». Paśla skančeńnia pracedury jany vybačylisia pierad spadaryniaj Śviatłanaj.
Samoha Anatola Labiedźku, jaki siońnia ranicaj kiravaŭsia ŭ Litvu, za biełaruskuju miažu paprostu nie vypuścili, patłumačyŭšy tym, što «vy jość u kampjutary ŭ śpisie». Palityk miarkuje, što zabarona na vyjezd źviazanaja sa stvareńniem uładami novaha śpisu palityčnych nievyjaznych.
SM
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
