“Biełaruśfilm” zastaŭsia biaz morkaŭki
Scenar Andreja Kurejčyka pavodle pjesy, nadrukavanaj u "ARCHE" - staŭsia asnovaj dla rasiejskaj kinahlamurščyny. Film "Luboŭ-morkva".
Luboŭ-morkva (Lubov́-morkov́)
Rasieja, 2006, kalarovy, 95 chv.
Režyser: Alaksandar Stryženaŭ
Roli vykonvajuć: Krystyna Arbakajte, Hoša Kucenka, Michaił Kazakoŭ, Volha Arłova, Jaŭhien Styčkin, Andrej Krasko, Kaciaryna Stryženava, Stanisłaŭ Dužnikaŭ
Žanr: Kamedyja sytuacyj
Adznaka: 4 (z 10)
Šlub Andreja i Maryny na miažy razvału. Ale supruhi źviartajucca da tajamničaha kansultanta (Michaił Kazakoŭ), jaki abiacaje dapamahčy. Ranicaj hieroi vyśviatlajuć, što abmianialisia ciełami. Ciapier jany zrazumiejuć “hiendernyja asablivaści” adno adnaho...
Karcina “Luboŭ” mahła być stvoranaja ŭ Biełarusi. Dramaturh Andrej Kurejčyk kolki hadoŭ tamu skłaŭ pjesu “Vykanaŭca žadańniaŭ”, jakaja nat była nadrukavanaja ŭ časopisie “Arche”. Ale kamedyjny, apalityčny i vadevilny siužet pra abmien ciełami nia staŭsia zapatrabavanym u krainie (chacia brak dobrych scenaroŭ – stały bol “Biełaruśfilmu”).
Andrej Kurejčyk znajšoŭ inšych zamoŭcaŭ. Jon uskładniŭ karotkuju historyju detektyŭnaj intryhaj, dadaŭ žartaŭ, raspracavaŭ novyja paciešnyja maski (nakkštałt hanhstera, jaki “robić žyćcio” pavodle halivudzkich receptaŭ).
Recepty “Lubovi” – rasiejskija.
Pradusar stužki Renat Daŭlaćjaraŭ pryznaŭsia: “My vyrašyli zrabić karcinu, hlamurniejšuju za pjesu.” Režyseram byŭ zaprošany Alaksandar Stryženaŭ, čyje “Ad 180 i vyšej” i “Ŭpaści ŭvierch” – uzory “handlova”-tandetnych stužak.
Nia Hoša Kucenka z histeryčnymi zvyčkami malimonnaj blandynki, i nie Kryścina Arbakajte (z podźvihami pad “Niabiosnuju karu”) – hieroi karciny. Hałoŭnyja persanažy – tavary: samyja darahija dyskateki, statusnaja harełka, navaruskija dekaracyi – i nat Mark Šahał. Cieła, žesty, makijaž, patoplenaja mašyna dyj samo kachańnie (kali było takavoje) – tavar dla samych bahatych (jakija ŭ Rasiei ŭžo źjavilisia).
Čałaviečyja historyi nieparazumieńnia, śmiešnyja niedarečnaści źniščyć hlamurnaju režysuraj napoŭnicu nie atrymałasia.
Ale atrymałasia zrabić kolišni biełaruski siužet całkam čužym.
Film – idealnaje vidovišča dla Paliny Smołavaj.
Z 6 sakavika ŭ kinateatrach "Aŭrora", "Bieraście", "Kastryčnik", "Salut", "Maskva".
Fota z sajtu "Lubov́-morkov́".
Taksama na ekranach šče iduć "Vyspa" ŭ kinateatry "Rakieta", "Babilon", "Hanibał: Uzychodžańnie", "Pryvidny honščyk", "Miortvyja dački", "Kroŭ i šakaład".
Ź 9 sakavika - na ekranie "Doma kino" - "Maryja Antuaneta".
Ciapier čytajuć
«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ10
Kamientary