Sacyjolahaŭ "uparadkujuć"
Letaś hety prajekt vyklikaŭ abureńnie reštkaŭ niezaležnaj sacyjalahičnaj supolnaści. Paśla byŭ śkiravany na dapracoŭku. I voś ciapier "dašlifoŭvajecca", jak toj kazaŭ, biaz šumu i pyłu. Piša ŭ svaim błohu Alaksandar Kłaskoŭski.
Inšym razam karysna zazirać i na aficyjnyja sajty. Voś znoŭ uspłyŭ zakonaprajekt ab apytańniach hramadzkaj dumki. Akurat pierad žanočym śviatam jaho razhladała pracoŭnaja hrupa ŭ Pałacie pradstaŭnikoŭ. Nia vyklučana, što ŭžo hetaj viasnoju sacyjalohiju ŭ nas kančatkova "ŭparadkujuć".
Raniejšy varyjant hetaha prajektu možna pahladzieć voś tut. Letaś jon vyklikaŭ abureńnie reštkaŭ našaj niezaležnaj sacyjalahičnaj supolnaści. Paśla byŭ śkiravany na dapracoŭku. I voś ciapier "dašlifoŭvajecca", jak toj kazaŭ, biaz šumu i pyłu.
Metry Manajeŭ i Vardamacki miarkujuć, što ničoha dobraha čakać nie davodzicca.
Hałoŭnaja puha — akredytacyja. Apytańni na elektaralnuju tematyku dazvalajucca tolki tym sacyjalahičnym strukturam, što atrymajuć paśviedčańnie admysłovaj kamisii.
Puha budzie i dla medyjaŭ. Kab nie drukavali ličby "niačesnych" sacyjolahaŭ.
Trochi ź historyi pytańnia.
Niezaležnuju sacyjalohiju ciapierašniaja ŭłada nikoli nia pieściła. Ale čaša ciarpieńnia pierapoŭniłasia paśla referendumu-2004. Tady NISEPD, zładziŭšy ekzyt-poł sumiesna ź Instytutam Hełapa, zrabiŭ vysnovu, što pytańnie ab trecim terminie nie nabrała patrebnaj kolkaści hałasoŭ. Roźnica miž ichniaj i aficyjnaj versijami skłała až pad 30%.
U 2005 hodzie pastanovaj Saŭminu dla sacyjolahaŭ užo stvaryli adzin filtar. Ale da pary da času "niačesnyja" znachodzili prałazy. Nie dapamahła i likvidacyja NISEPD sudovym rašeńniem: instytut zarehistravaŭsia ŭ Vilni.
Letaś paśla dvuch papiaredžańniaŭ prakuratury (śviaciła da dvuch hadoŭ turmy za "dyskredytacyju RB") prafesar Manajeŭ musiŭ farmalna dystancyjavacca ad hetaj struktury.
Ale na sajcie NISEPD pa-raniejšamu spraŭna vyviešvajucca śviežyja źviestki.
Z replik naviednikaŭ błohu viedaju, što nia ŭsim ichnija ličby padabajucca.
Admietna, adnak, što toje lusterka nie pad nos jak uładzie, tak i častcy jaje apanentaŭ (čyje rejtynhi pieravažna ŭ miežach statystyčnaje pamyłki). Prafesar Manajeŭ ličyć, što hetaja niezadavolenaść z abodvuch lahieraŭ jość uskosnym śviedčańniem prafesyjanalizmu jahonaj kamandy.
Tak ci inačaj, najhoraj budzie, kali ŭvohule nie zastaniecca alternatyvy servilnaj sacyjalohii, hatovaj padnieści na spodačku lubyja načalstvu ličby.
Adziny paratunak zaraz — układać u vušy Eŭropie, jakuju niebiaśpieku toić novy zakonaprajekt.
Chaj patrabujuć ekspertyzy ŭ svaich instancyjach.
A što, na tle ciapierašniaha "naviadzieńnia mastoŭ" heta całkam moža mieć efekt!
Darečy, voś vam prykład. Niekalki hadoŭ tamu jašče papiaredni ministar infarmacyi mieŭ nieaściarožnaść paabiacać Radzie Eŭropy pakazać zakonaprajekt ab druku (Biełaruskaja asacyjacyja žurnalistaŭ biła ŭ zvany, što jon drakonaŭski). Eŭropa ničoha nie atrymała, ale rozhałas nia staŭsia marnym: dakument, padajecca, tak i źhinuŭ pad suknom.
Inšaja reč, što niezaležnuju presu ŭ nas paśpiachova dadušvajuć i sa starym zakonam :(
Apošniaj nišaj zastajecca Sieciva. Jak dla "niačesnych" žurnalistaŭ, tak i dla "niačesnych" sacyjolahaŭ.
P.S. Chočacie trochi paśmiajacca? U 2002 hodzie ministar Padhajny zajaviŭ, što termin nakiravańnia zakonaprajektu ab ŚMI ŭ Strasbur zaležyć "ad pierakładu na anhielskuju movu".
Marudna, chalera ich biary, pierakładajuć! :)
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary