Viasna pryjšła – i pryniesła pieršyja paviedamleńni pra złuju vadu. Reki vyjšli ź bierahoŭ u Žytkavickim, Łojeŭskim, Pietrykaŭskim, Mazyrskim dy Lelčyckim rajonach. Tam dali pra siabie viedać Dniapro, Prypiać, Pcič dy Ubarć.
Štohod, jak prychodzić viasna, u Biełarusi čakajuć pavodku. Jašče kolki tydniaŭ tamu Ministerstva nadzvyčajnych sytuacyjaŭ papiaredziła ludziej, što ŭ hetym hodzie reki mohuć zatapić 150 nasielenych punktaŭ. Kožny hod hetaja ličba roznaja: jana zaležyć ad praciahłaści zimy, kolkaści śniehu, intensyŭnaści paciapleńnia dy inšych čyńnikaŭ.
Viasna pryjšła – i pryniesła pieršyja paviedamleńni pra złuju vadu. Reki vyjšli ź bierahoŭ u Žytkavickim, Łojeŭskim, Pietrykaŭskim, Mazyrskim dy Lelčyckim rajonach. Tam dali pra siabie viedać Dniapro, Prypiać, Pcič dy Ubarć.
U Homielskim abłasnym adździaleńni MNS kažuć, što pakul sytuacyja pad kantrolem, na łodkach nichto nie płavaje. Reki nabirajuć za sutki ŭ siarednim pa 2‑3 santymetry. Heta značycca, što pakul chvalavacca rana. Chiba što Prypiać, jakaja padniałasia kala Turava ažno da 5 metraŭ, nie daje słabinki. Da adznaki, ź jakoj fiksujecca zatapleńnie, zastajecca 25 santymetraŭ. Rataŭniki j miascovyja žachary spadziajucca, što raka supynicca j nia pojdzie dalej.
Tym nia mieniej rataŭniki znachodziacca ŭ poŭnaj hatoŭnaści. Pa ichnych prahnozach, u horšym vypadku na Homielščynie moža zalić 69 pasieliščaŭ, dzie žyvie pad 7 tysiač čałaviek. U časie kulminacyi pavodki ad daroh buduć adsiečanyja blizu 100 nasielenych punktaŭ.
Na hety vypadak užo padrychtavanyja 2 tysiačy adzinak techniki i 310 łodak. Nazapašany piasok, kamieńnie. Admietnaść ratavalnych aperacyjaŭ u hetym hodzie budzie ŭ tym, što poruč z prafesijnymi rataŭnikami dapamahać ludziam buduć chłopcy z dobraachvotnych pažarnych družynaŭ. Ich užo navučyli dziejničać na vialikaj vadzie.
Fota Anatola Kleščukaz archivu «Našaj Nivy»
Zahinuŭ biełaruski dobraachvotnik Vasil «Dzir» Rapicki11
Kamientary