Łaŭreat Nobieleŭskaj premii miru i lidar apazicyi Mjanmy Aun San Su Čžy atrymała deputacki mandat u dadatkovych parajamienckich vybarach. Jaje partyja, Nacyjanalnaja demakratyčnaja liha, zdabyła 43 z 45 dastupnych mandataŭ.
U niadzielu ŭ Birmie (Mjanmie) adbylisia pieršyja za 20 hadoŭ vybary, na jakija dapuścili apazicyju. Niahledziačy na toje, što baraćba išła tolki za 45 miescaŭ u parłamiencie, jaki składajecca ažno z 600 deputataŭ,
pieramoha demakrataŭ źjaŭlajecca vialikim pośpiecham apazicyi.
Aun San Su Čžy 66 hadoŭ. Jana vyvučała fiłasofiju, palityčnyja navuki i ekanomiku ŭ Deli dy Oksfardzie, paśla čaho viarnułasia na radzimu. Jaje partyja ŭ 1990 hodzie atrymała 80% hałasoŭ, adnak vajskovaja chunta nie pryznała vybaraŭ, zadušyła pratesty i pasadziła Aun San Su Čžy pad chatni aryšt. Pad im jana prabyła bolš za 20 hadoŭ. Režym Birmy nie vypuściŭ palityka navat naviedać muža, jaki pamiraŭ ad raku.
Aun San Su Čžy nazyvajuć «birmanskaj Handzi», bo jana vystupaje za biaskroŭnuju źmienu ułady i nacyjanalnaje prymireńnie.Pry hetym u 1996 hodzie jana vystupiła suprać rekłamnaj kampanii, jakaja zaachvočvała turystaŭ naviedać Birmu. Taksama dziakujučy zvarotu Aun San Su Čžy Birma nie stała staršynioj ASEAN u 2006 hodzie. Jana padkreślivaje, što asnovaj luboj svabody źjaŭlajecca svaboda słova, i što nikomu nielha hublać nadziei i padać ducham.
0
0
0
0
0
0
