Elektraenierhietyku Biełarusi čakajuć reformy

U biełaruskaj elektraenierhietycy płanujecca pravieści šerah reform. Heta praduhledžana prajektam kancepcyi zakona ab elektraenierhietycy, jaki siońnia razhladaŭsia na pasiadžeńni Prezidyuma Saŭmina pad staršynstvam prem'jer-ministra Michaiła Miaśnikoviča.

Jak raskazaŭ, pradstaŭlajučy prajekt kancepcyi, ministr enierhietyki Alaksandr Aziarec, płanujecca refarmavańnie elektraenierhietyčnaj haliny, padzieł vidaŭ ekanamičnaj dziejnaści ŭ elektraenierhietycy na vypracoŭku elektraenierhii, jaje pieradaču i raźmierkavańnie, a taksama farmiravańnie rynačnych struktur, harmanizacyja zakanadaŭstva ŭ nazvanaj śfiery.

Padzieł vidaŭ ekanamičnaj dziejnaści ŭ halinie budzie sadziejničać stvareńniu ekanamičnych stymułaŭ pa źnižeńniu zatrat subjektaŭ elektraenierhietyki, zabieśpiačeńniu prazrystaści finansavych patokaŭ u halinie. Elektraenierhietyčny rynak budzie padzieleny na dva ŭzroŭni — aptovy i roźničny. Buduć pryniaty miery dla pastupovaha adychodu haliny ad pierakryžavanaha subsidziravańnia.

«Praduhledžvajecca vyłučyć sa składu DVA „Biełenierha“ šlacham pieraŭtvareńnia ŭ adpaviednyja subjekty elektraenierhietyki apieratara optaenierhietyčnaha rynku, sistemy sietkavaha apieratara, enierhazabieśpiačalnaj arhanizacyi i arhanizacyi, jakaja vypracoŭvaje elektraenierhiju»,

Pryniaćcie prajekta kancepcyi zakona ab elektraenierhietycy daść mahčymaść stvaryć asnovu dla pravavoha rehulavańnia adnosin u halinie, zamacavać asnovu dziaržaŭnaj palityki ŭ halinie hetych adnosin i budzie sadziejničać madernizacyi struktury kiravańnia elektraenierhietykaj, pavyšeńniu jaje efiektyŭnaści, umacavańniu enierhabiaśpieki krainy, nadziejnaści elektrazabieśpiačeńnia, pryciahnieńniu inviestycyj u halinu, a taksama madernizacyi zakanadaŭstva ŭ AEP i JeŭrAzES.

Płanujecca zakanadaŭča zamacavać asnoŭnyja pryncypy ažyćciaŭleńnia dziejnaści ŭ elektraenierhietycy, pravavyja asnovy elektraenierhietyčnaha rynku, paŭnamoctvy ŭrada i dziaržorhanaŭ u halinie, u tym liku pa ažyćciaŭleńniu dziaržaŭnaha enierhanahladu. Buduć taksama vyznačany asnoŭnyja pałažeńni pa farmiravańniu cen i taryfaŭ na elektraenierhiju, a taksama ŭmovy vykanańnia Biełaruśsiu svaich abaviazacielstvaŭ pa mižnarodnych dahavorach.

U čas abmierkavańnia prajekta kancepcyi členy ŭrada ahučyli šerah zaŭvah pa dakumientu. Michaił Miaśnikovič daručyŭ dapracavać dakumient na praciahu miesiaca. Pry hetym jon źviarnuŭ uvahu na toje, što ŭ dakumiencie pavinny być adlustravany pytańni raźvićcia adnosin elektraenierhietyčnaj haliny i dziaržavy. «Hetaha adkazu čakajuć i vytvorcy, i spažyŭcy», — skazaŭ jon.

Prem'jer-ministr źviarnuŭ asablivuju ŭvahu, što pry padrychtoŭcy kancepcyi nieabchodna ŭ abaviazkovym paradku ŭličvać nieabchodnaść pavyšeńnia enierhabiaśpieki Biełarusi. «Razmova idzie ab narmatyŭna-pravavym akcie, jaki pavinien ustanavić peŭnyja ekanamičnyja i hramadskija adnosiny ŭ krainie z ulikam rašeńniaŭ, pryniatych u ramkach AEP», — skazaŭ jon. Pavinna być harantavana poŭnaje i jakasnaje zabieśpiačeńnie halin ekanomiki i nasielnictva elektraenierhijaj.

Kiraŭnik urada vyłučyŭ i ekanamičny błok pytańniaŭ, jaki praduhledžvaje ŭstanaŭleńnie aptymalnych i abhruntavanych taryfaŭ u halinie. «Siońnia skłałasia nie vielmi dobraja situacyja, kali raźvićcio elektraenierhietyki naohuł ažyćciaŭlajecca ŭsioj krainaj za košt vysokich taryfaŭ, jakija nam vystaŭlaje enierhazabieśpiačalnaje ministerstva, — zajaviŭ jon. — Faktyčna ŭsia kraina za košt vysokich taryfaŭ raźvivaje i stvaraje mahutnaści ŭ našaj enierhasistemie». U suviazi z hetym prem'jer-ministr zapatrabavaŭ ad Minenierha ŭnieści varyjanty vyrašeńnia abaznačanych pytańniaŭ, u tym liku pa ŭdaskanaleńniu taryfnaj palityki, źnižeńniu ŭłasnych vydatkaŭ, decentralizacyi i inšych mier.

• 0
• 0
• 0
• 0
• 0
• 0
• 0
• 0