«Ale biez usiakaha cisku i šantažu z boku Jeŭrasajuza».
Alaksandr Łukašenka ličyć mahčymaj narmalizacyju adnosin ź Jeŭrapiejskim sajuzam, ale zajaŭlaje, što ŭ hetym vypadku šantaž i cisk z boku ES dla biełaruskaha boku źjaŭlajucca nieprymalnymi.
«My nie suprać narmalizacyi z imi adnosin. Ale biez usiakaha cisku i šantažu. Prymušać nas pad ciskam, nachilać nas i patrabavać vykanańnia patrabavańniaŭ, jakija jany pradjaŭlajuć da nas, kontrpraduktyŭna», — zajaviŭ A. Łukašenka ŭ čaćvier na naradzie pa pytańniach źniešniaj palityki.
Jon pryznaŭ, što «kryzisnyja źjavy ŭ adnosinach z zachodnimi dziaržavami, navat mienš, čym z ZŠA, a mienavita ź ES, praciahvajuć zastavacca na siońniašni dzień». «I pryčyna tut nie ŭ Biełarusi, a ŭ cisku i šantažy, jakija my nazirajem z boku zachodniejeŭrapiejskich dziaržaŭ», — patłumačyŭ A. Łukašenka.
«Viadoma, my nie možam nie reahavać na palityku, jakuju zachodnija dziaržavy farmulujuć i nakiroŭvajuć suprać nas», — adznačyŭ jon.
Łukašenka paviedamiŭ, što jamu pastupaje šmat prapanoŭ ad biźniesmienaŭ i pradpryjemstvaŭ, pa reakcyi na takuju palityku Jeŭrasajuza. «Chaču skazać hałoŭnaje — u nas reakcyja na palityku ES pavinna być dastonaj, pavinna być pryhožaj», — skazaŭ jon.
«Tak, my nie pavinny padstaŭlać adnu, druhuju ščaku, nie pavinny chavać hałavu ŭ piasok, jak straŭsy, a tym bolš nie pavinny spakojna hladzieć na sankcyi»,— patłumačyŭ A.Łukašenka.
«Ale i jastrabinych zamašak z našaha boku być nie pavinna.
Naša reakcyja pavinna być adekvatnaj. Jana nie pavinna być praźmiernaj, jana nie pavinna nanosić škodu nie tolki našaj ekanomicy. Jana nie pavinna nanieści škodu našym adnosinam z narmalnymi jeŭrapiejcami», — padkreśliŭ Łukašenka, rastłumačyŭšy, što ŭ Jeŭrasajuzie «jość roznyja jeŭrapiejcy — słužbovyja asoby, čynoŭniki i cełyja krainy».
«My razumiejem, što jość, dapuścim, Litva i Łatvija. Jany što, chočuć, kab my zharnuli adnosiny i syšli ź ich rynkaŭ? Ale my razumiejem, što na ich akazvajuć žudasny cisk, — kanstatavaŭ Łukašenka.
«I, tym nie mienš, nam treba pracavać aktyŭna, biez vajaŭničych zamašak», — skazaŭ jon.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary