U Małdovie ŭviedzieny štrafy za raźmiaščeńnie rekłamy pa-rusku bieź pierakładu
«Bo heta dyskryminuje 76% hramadzianaŭ krainy, jakija ličyać rodnymi małdoŭskuju ci rumynskuju movy».
U Małdovie ŭviedzieny štrafnyja sankcyi za raspaŭsiud rekłamy tolki na ruskaj abo inšaj zamiežnaj dla respubliki movie bieź jaje pierakładu na dziaržaŭnuju movu. Heta praduhledžvajuć papraŭki ŭ Kodeks ab pravaparušeńniach, jakija pryniaŭ parłamient Małdovy pa inicyjatyvie deputataŭ parłamienckaj frakcyi Libieralnaj partyi. Jany zajavili, što z-za adsutnaści štrafnych sankcyj u krainie hruba parušajucca zakony ab rekłamie i ab funkcyjanavańni moŭ. Jak adznačyli aŭtary zakonaprajekta, u bolšaści nasielenych punktaŭ krainy rekłamnyja pano, šyldy, afišy, abjavy i inšyja teksty vizualnaj rekłamy, nazvy firmaŭ, kram, ceńniki ŭ barach i restaranach, kafe publikujucca ŭ asnoŭnym na ruskaj movie, bieź pierakładu na dziaržaŭnuju movu, što
dyskryminuje bolš za 76% hramadzian krainy, jakija ličać svajoj rodnaj małdaŭskuju ci rumynskuju movy, a taksama parušaje ich prava na atrymańnie infarmacyi.
Zhodna z apošniaha pierapisu nasielnictva Małdovy, praviedzienamu ŭ 2004 hodzie, u respublicy (biez uliku prydniastroŭskaha rehijonu) pražyvała 3,38 młn. čałaviek, ź jakich 76,1% - małdavan, 8,4% - ukraincaŭ, 5,8% - ruskich, 4,4% - hahauzy, 2,1% - rumynaŭ, 1,9% - bałharaŭ.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary