U mietro viečaram zatrymali hramadskich aktyvistaŭ Kramianieckaha i Muskaha
Zatrymańnie adbyłosia siońnia, 7 krasavika, a 20:20.Ciapier aktyvisty zarehistravanaj u Čechii arhanizacyi «Małady front» znachodziacca ŭ apornym punkcie na stancyi mietro Kupałaŭskaj. Junaki paśpieli paviedamić paplečnikam, što ŭ ich apisvajuć asabistyja rečy, pratakoły pakul što nie składali, paviedamlaje sajt arhanizacyi.
Źmicier Kramianiecki i Michaś Muski admaŭlalisia prachodzić vobšuk biez paniatych, ale niejki praparščyk i staršy siaržant, što admovilisia pradstaŭlacca i navat schavali svaje bedžy, praviali dahlad prymusova.
Pryčyny zatrymańnia nieviadomyja — junaki spakojna čakali ciahnik na stancyi Kupałaŭskaj. Adzin ź milicyjantaŭ, staršy siaržant pa zvańni, paviedamiŭ, što chłapcoŭ spynili dla dahladu. Na zaplečnikach byli našyŭki «Małady front».ź bieł-čyrvona-biełym ściaham i kryžam Jeŭfrasińni Połackaj.
Kamientary