Upaŭnavažany pa pravach čałavieka Uładzimir Łukin atrymaŭ zvarot pravaabaroncaŭ ab tym, što RF moža zabaranić vyjezd cieraz svaju terytoryju biełaruskim apazicyjanieram, jakim užo abmiežavany vyjezd ź Biełarusi. Pra heta jon paviedamiŭ 11 krasavika žurnalistam u Tomsku.
Raniej kiraŭnik pahraničnaj słužby FSB Rasii Uładzimir Proničaŭ zajaŭlaŭ, što kali budzie daručeńnie zatrymać niejkuju asobu, jakoj vyjezd ź Biełarusi abmiežavany, jano budzie vykanana. Paśla hetaha da Łukina źviarnuŭsia viadomy pravaabaronca Leŭ Panamaroŭ.
«Zvarot dajšoŭ da mianie. Prablema ŭ tym, što ŭpaŭnavažany zajmajecca pierš za ŭsio abaronaj pravoŭ rasijskich hramadzian, hramadzian, jakija žyvuć na terytoryi Rasii, i rasijskich hramadzian za miežami krainy. Biełaruskija hramadzianie, jakija žyvuć u Biełarusi, ni da adnoj z hetych katehoryj nie adnosiacca.
Tamu jurydyčna hetaj prablemaj upaŭnavažanamu ciažka zajmacca. Ale heta nie značyć, što ja zastanusia abyjakavym da hetaj prablemy»,— cytuje Łukina RIA Novosti.
Jon adznačyŭ, što nieabchodna pracavać ź Ministerstvam zamiežnych spraŭ Rasii, «kab MZS i inšyja ŭładnyja orhany, jakija zajmajucca hetaj prablemaj, zrazumieli, što heta niapravilna i supiarečyć unutranamu zakanadaŭstvu».
Nahadajem, z pačatku sakavika šerahu pradstaŭnikoŭ apazicyi, hramadzianskaj supolnaści i niedziaržaŭnych ŚMI Biełarusi byŭ zabaronieny vyjezd z krainy. Niekatorym ź ich udałosia trapić u krainy Jeŭrasajuza cieraz terytoryju Rasii.
Kamientary