Упаўнаважаны па правах чалавека Уладзімір Лукін атрымаў зварот праваабаронцаў аб тым, што РФ можа забараніць выезд цераз сваю тэрыторыю беларускім апазіцыянерам, якім ужо абмежаваны выезд з Беларусі. Пра гэта ён паведаміў 11 красавіка журналістам у Томску.
Раней кіраўнік пагранічнай службы ФСБ Расіі Уладзімір Пронічаў заяўляў, што калі будзе даручэнне затрымаць нейкую асобу, якой выезд з Беларусі абмежаваны, яно будзе выканана. Пасля гэтага да Лукіна звярнуўся вядомы праваабаронца Леў Панамароў.
«Зварот дайшоў да мяне. Праблема ў тым, што ўпаўнаважаны займаецца перш за ўсё абаронай правоў расійскіх грамадзян, грамадзян, якія жывуць на тэрыторыі Расіі, і расійскіх грамадзян за межамі краіны. Беларускія грамадзяне, якія жывуць у Беларусі, ні да адной з гэтых катэгорый не адносяцца.
Таму юрыдычна гэтай праблемай упаўнаважанаму цяжка займацца. Але гэта не значыць, што я застануся абыякавым да гэтай праблемы»,— цытуе Лукіна РІА Новости.
Ён адзначыў, што неабходна працаваць з Міністэрствам замежных спраў Расіі, «каб МЗС і іншыя ўладныя органы, якія займаюцца гэтай праблемай, зразумелі, што гэта няправільна і супярэчыць унутранаму заканадаўству».
Нагадаем, з пачатку сакавіка шэрагу прадстаўнікоў апазіцыі, грамадзянскай супольнасці і недзяржаўных СМІ Беларусі быў забаронены выезд з краіны. Некаторым з іх удалося трапіць у краіны Еўрасаюза цераз тэрыторыю Расіі.
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс30
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары