U hadavinu terakta na stancyi mietro «Kastryčnickaja» hazieta «Intex-press» apytała žycharoŭ Baranavičaŭ. Na pytańnie «Ci ličycie vy, što ŭ spravie ad terakcie ŭ minskim mietro pastaŭlena kančatkovaja kropka?» žurnalisty atrymali davoli nieadnaznačnyja adkazy.
Niekalki čałaviek nie byli ŭpeŭnienyja, što kropku možna stavić. Adzin mužčyna skazaŭ na heta: «Sami bačycie pa situacyi, što robicca ŭ respublicy». A adna z haradžanak miarkuje, što «heta nie apošni padobny incydent».
U toje, što pakarali nie tych, vieryć pieravažna maładziejšaje pakaleńnie, ale traplajucca siarod skieptykaŭ i ludzi stałaha vieku.
Što charakterna: tyja, chto z upeŭnienaściu kazaŭ, što asudžanych pakarali spraviadliva, nie mahli pryhadać ni proźviščy rasstralanych, ni stancyju, na jakoj prahrymieŭ vybuch, ni dakładny čas trahiedyi.
