DTZ adbyłosia ŭ noč z 11 na 12 krasavika na trasie Brest-Minsk-miaža RF, u niekalkich kiłamietrach ad vioski Lesina Baranavickaha rajona.
Pa papiaredniaj viersii DAI, kiroŭca mikraaŭtobusa «Mersedes» — 23-hadovy hramadzianin Ukrainy — zasnuŭ za rulom, u vyniku čaho aŭto ŭrezałasia ŭ paŭpryčep fury, jakaja ruchałasia ŭ spadarožnym nakirunku.
U vyniku avaryi 50-hadovy pasažyr, jaki jechaŭ na piarednim siadzieńni, zahinuŭ na miescy. Jašče adzin mužčyna-pasažyr ź pierałomami byŭ špitalizavany.
Usie paciarpiełyja — hramadzianie Ukrainy. Pavodle źviestak DAI, jany viartalisia dadomu z Rasii z zarobkaŭ. Pa słovach dziaržaŭtainśpiektaraŭ, usie miescy ŭ mikraaŭtobusie byli zaniatyja.
Pa fakcie DTZ raspačata kryminalnaja sprava.
Padobnaja avaryja ŭžo była ŭ Baranavickim rajonie ŭ hetym hodzie. U studzieni mikraaŭtobus z ukraincami, jakija jechali na zarobki, urezaŭsia ŭ «MAZ». Tady paciarpieła kala dziasiatka čałaviek.