Пад Баранавічамі разбіўся мікрааўтобус з украінцамі — адзін чалавек загінуў
Грамадзяне Украіны вярталіся з заробкаў з Расіі.
ДТЗ адбылося ў ноч з 11 на 12 красавіка на трасе Брэст-Мінск-мяжа РФ, у некалькіх кіламетрах ад вёскі Лесіна Баранавіцкага раёна.
Па папярэдняй версіі ДАІ, кіроўца мікрааўтобуса «Мэрсэдэс» — 23-гадовы грамадзянін Украіны — заснуў за рулём, у выніку чаго аўто ўрэзалася ў паўпрычэп фуры, якая рухалася ў спадарожным накірунку.
У выніку аварыі 50-гадовы пасажыр, які ехаў на пярэднім сядзенні, загінуў на месцы. Яшчэ адзін мужчына-пасажыр з пераломамі быў шпіталізаваны.
Усе пацярпелыя — грамадзяне Украіны. Паводле звестак ДАІ, яны вярталіся дадому з Расіі з заробкаў. Па словах дзяржаўтаінспектараў, усе месцы ў мікрааўтобусе былі занятыя.
Па факце ДТЗ распачата крымінальная справа.
Падобная аварыя ўжо была ў Баранавіцкім раёне ў гэтым годзе. У студзені мікрааўтобус з украінцамі, якія ехалі на заробкі, урэзаўся ў «МАЗ». Тады пацярпела каля дзясятка чалавек.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»37
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары